‘ఆలూ’ని పోలిన అంగారకుని చంద్రుడు ‘ఫోబోస్‌’... ఫొటో షేర్ చేసిన నాసా!

వాషింగ్టన్: నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్(నాసా) తాజాగా అంగారకుని చంద్రుడు ‘ఫోబోస్‌’ ఫొటోను షేర్ చేసింది. అది ఆలూ (బంగాళదుంప) మాదిరిగా కనిపిస్తోంది. నాసా తన అధికారిక ఇన్‌స్టాగ్రామ్ అకౌంట్‌లో ఈ ఫొటోను షేర్ చేసింది. ఈ ఫొటోకు ఇప్పటి వరకూ కోటికిపైగా లైక్స్ రావడం విశేషం. 

ఈ ఫొటోకు క్యాప్షన్‌గా నాసా... ‘‘మీరు ఆలూ అంటారు... మేము అంగారకుని చంద్రుడు అని అంటాం. ఇది ‘ఫోబోస్’కు చెందిన ఫొటో. ఇది అంగారకునికి ఉన్న రెండు చంద్రుళ్లలో అతి పెద్దది. మా మార్స్ ఆర్బిటర్ అంతరిక్షయానంలో @UAHiRISE కెమెరాకు ఈ ఫొటో చిక్కంది. ఉపరితలం నుండి 6,800 కిలోమీటర్ల (4,225 మైళ్ళు) నుంచి తీసిన చిత్రం ఇది.’’ అని రాసింది. కాగా ఈ ‘‘ఫోబోస్’’ను 1877లో ఖగోళశాస్త్రవేత్త ఆసఫ్ హాల్ కనుగొన్నారు. గ్రీకు పౌరాణిక గాథలను అనుసరిచి ఇది ఒక క్షుద్ర గ్రహంగా ప్రచారంలో ఉంది. ఫోబోస్, డీమోస్ కవలలు అని చెబుతుంటారు.