ప్రపంచ యుద్ధ సమయంలో కూడా లాక్డౌన్ లేదు : రాహుల్ గాంధీ
ABN , First Publish Date - 2020-06-04T18:56:29+05:30 IST
లాక్డౌన్, కరోనాపై కాంగ్రెస్ ఎంపీ రాహుల్ గాంధీ మరోసారి విమర్శల వర్షం కురింపించారు. ప్రపంచ యుద్ధం
న్యూఢిల్లీ : లాక్డౌన్, కరోనాపై కాంగ్రెస్ ఎంపీ రాహుల్ గాంధీ మరోసారి విమర్శల వర్షం కురింపించారు. ప్రపంచ యుద్ధం జరుగుతున్న సమయంలో కూడా లాక్డౌన్ విధించలేదని, కరోనా సమయంలో మాత్రం లాక్డౌన్ విధించారని కేంద్రంపై మండిపడ్డారు. ‘‘ప్రపంచమే ఇలా లాక్డౌన్ అవుతుందని ఎవరైనా ఊహించారా? ప్రపంచ యుద్ధం సమయంలో కూడా లాక్డౌన్ విధించినట్లు నేననుకోవడం లేదు. ఆ సమయంలో కూడా అన్ని రంగాలూ పనిచేస్తూనే ఉన్నాయి. ఇప్పుడు మాత్రం ఓ ప్రత్యేకమైన సందర్భం’’ అని రాహుల్ గాంధీ పేర్కొన్నారు.
దేశంలో లాక్డౌన్ విఫలం చెందిందని, లాక్డౌన్ నిబంధనలను సడలించిన తర్వాత కరోనా కేసులు మరింత పెరిగాయని ఆరోపించారు. లాక్డౌన్, ఆర్థిక పరిస్థితులపై బజాజ్ గ్రూప్స్ ఎండీ, పారిశ్రామిక వేత్త రాహుల్ బజాజ్తో గురువారం ఎంపీ రాహుల్ గాంధీ వీడియో కాన్ఫరెన్స్ ద్వారా సంభాషించారు.