Abn logo
Jul 28 2021 @ 12:26PM

బ్రిటన్‌లో కరోనాతో పాటు పెరుగుతున్న నోరో వైరస్ కేసులు!

న్యూఢిల్లీ: కరోనా వైరస్‌తో పాటు మరో కొత్త వైరస్ పుట్టుకొచ్చింది. ఈ వైరస్ పేరు నోరో. ఈ వైరస్ గత ఐదు వారాలుగా బ్రిటన్‌లో అత్యంత వేగంగా వ్యాప్తి చెందుతోంది. పబ్లిక్ హెల్త్ ఇంగ్లండ్ తెలిపిన వివరాల ప్రకారం బ్రిటన్‌లో ఇప్పటివరకూ ఈ వైరస్‌కు సంబంధించిన 154 కేసులను గుర్తించారు. నోరో వైరస్ కేసులు పెరుగుతుండటంతో బ్రిటన్ ఆరోగ్యశాఖ ఆందోళన వ్యక్తం చేస్తోంది. సెంటర్ ఫర్ డిసీజ్ కంట్రోల్(సీడీసీ) అండ్ ప్రివెన్షన్ ఈ వైరస్ గురించి తెలియజేస్తూ... దీని బారినపడిన వారికి తల తిరగడం వాంతులు రావడం లాంటివి జరుగుతాయని పేర్కొంది. దీనిని వింటర్ వొమేటింగ్ అని కూడా అంటారు. ఈ వైరస్ ఒకరి నుంచి మరొకరికి త్వరగా వ్యాప్తి చెందుతుందని తెలిపింది. ఈ వైరస్‌కు ఇంతవరకూ తగిన ఔషధం లేదని, బాధితుని శరీరంలో వైరస్ ప్రభావాన్ని నియంత్రించడం ద్వారా ఉపశమనం కలిగించవచ్చని  పేర్కొంది.