మ‌రో రెండు క‌రోనా టీకాల‌కు ఒమ‌న్ ఆమోదం
ABN , First Publish Date - 2021-06-25T16:27:42+05:30 IST
ప్రపంచ దేశాల్లో క‌రోనా డెల్టా వేరియంట్ ఆందోళ‌న క‌లిగిస్తున్న నేప‌థ్యంలో తాజాగా గ‌ల్ఫ్ దేశం ఒమ‌న్ వ్యాక్సినేష‌న్ ప్ర‌క్రియ‌ను వేగ‌వంతం చేసేందుకు మ‌రో రెండు టీకాల‌కు అత్యావ‌స‌ర వినియోగానికి ఆమోదం తెలిపింది.
మ‌స్క‌ట్: ప్రపంచ దేశాల్లో క‌రోనా డెల్టా వేరియంట్ ఆందోళ‌న క‌లిగిస్తున్న నేప‌థ్యంలో తాజాగా గ‌ల్ఫ్ దేశం ఒమ‌న్ వ్యాక్సినేష‌న్ ప్ర‌క్రియ‌ను వేగ‌వంతం చేసేందుకు మ‌రో రెండు టీకాల‌కు అత్యావ‌స‌ర వినియోగానికి ఆమోదం తెలిపింది. ఇప్ప‌టికే ఫైజ‌ర్‌-బ‌యోఎన్‌టెక్‌, అస్ట్రాజెనెకా వ్యాక్సిన్ల‌ను వినియోగిస్తున్న ఒమ‌న్ తాజాగా సినోవాక్‌, స్పుత్నిక్ టీకాల‌కు గ్రీన్‌సిగ్న‌ల్ ఇచ్చింది. బీటా, గామా, ఆల్ఫా వేరియంట్ల‌కు తోడుగా ఇప్పుడు డెల్టా కేసులు కూడా బ‌య‌ట‌ప‌డ‌డంతో ఒమ‌న్ వైద్య‌శాఖ ఈ నిర్ణ‌యం తీసుకుంది. ఇక డెల్టా వేరియంట్ శ‌ర‌వేగంగా వ్యాప్తి చెందుతున్న విష‌యం తెలిసిందే. దీంతో దేశంలో మ‌ళ్లీ క‌రోనా కేసులు పెరిగే అవ‌కాశం ఉన్నందున అప్ర‌మ‌త్త‌మైన ఆ దేశ ఆరోగ్య‌శాఖ వేగంగా మెజారిటీ గ్రూపు ప్ర‌జ‌ల‌కు వ్యాక్సినేష‌న్ పూర్తి చేయాల‌నే ఉద్దేశంతో ఈ రెండు టీకాల‌కు ఆమోదం తెలిపింది.
