‘వేగంగా వ్యాపిస్తున్న ఒమైక్రాన్.. మరో 48 గంటల్లో..’ బ్రిటన్ ఆరోగ్య శాఖ మంత్రి కీలక వ్యాఖ్య

ABN , First Publish Date - 2021-12-14T22:44:31+05:30 IST

బ్రిటన్ రాజధాని లండన్‌లో కరోనా కొత్త వేరియంట్ ఒమైక్రాన్ వేగంగా వ్యాపిస్తోందని అక్కడి ఆరోగ్య శాఖ మంత్రి సాజిద్ జావేద్ సోమవారం వ్యాఖ్యానించారు.

‘వేగంగా వ్యాపిస్తున్న ఒమైక్రాన్.. మరో 48 గంటల్లో..’  బ్రిటన్ ఆరోగ్య శాఖ మంత్రి కీలక వ్యాఖ్య

లండన్: బ్రిటన్ రాజధాని లండన్‌లో కరోనా కొత్త వేరియంట్ ఒమైక్రాన్ వేగంగా వ్యాపిస్తోందని అక్కడి ఆరోగ్య శాఖ మంత్రి సాజిద్ జావేద్ సోమవారం తెలిపారు. మరో 48 గంటల తరువాత రాజధానిలో ఒమైక్రాన్‌యే ప్రబల వేరియంట్‌గా మారుతుందని పేర్కొన్నారు. ‘‘మరే ఇతర కరోనా వేరియంట్ కూడా ఇంత వేగంగా వ్యాపించలేదు’’ అని ఆయన వ్యాఖ్యానించారు. ప్రస్తుతం లండన్‌లోని 44 శాతం కరోనా కేసులకు ఒమైక్రాన్ కారణం. ఇక యావత్ ఇంగ్లండ్‌లో దాదాపు 20 శాతం కేసులకు ఈ కొత్త వేరియంట్ కారణమని మంత్రి పేర్కొన్నారు. ఇతర కరోనా వేరియంట్ల కంటే ఒమైక్రాన్ వేగంగా వ్యాపిస్తుందని శాస్త్రవేత్తలు గతంలోనే అంచనా వేశారు. ప్రస్తుతం లండన్‌లోని పరిస్థితులు వారి అంచనాలను నిజమని నిరూపిస్తున్నాయి. 

Updated Date - 2021-12-14T22:44:31+05:30 IST