దేశంలో రికార్డు స్థాయిలో తగ్గిన కోవిడ్ కేసులు

ABN , First Publish Date - 2021-01-19T16:46:38+05:30 IST

దేశంలో గత 24 గంటల్లో 10,064 కోవిడ్ కేసులు నమోదయ్యాయి. గత జూన్ నుంచి..

దేశంలో రికార్డు స్థాయిలో తగ్గిన కోవిడ్ కేసులు

న్యూఢిల్లీ: దేశంలో గత 24 గంటల్లో 10,064 కోవిడ్ కేసులు నమోదయ్యాయి. గత జూన్ నుంచి ఒకే రోజుల్లో ఇంత తక్కువ కేసులు నమోదు కావడం ఇదే మొదటిసారని కేంద్ర ఆరోగ్య శాఖ ప్రకటించింది. కేరళలో 3,346, మహారాష్ట్రలో 1,924 కొత్త కేసులు నమోదైనట్టు తెలిపింది.


కాగా, వ్యాక్సిన్ డ్రైవ్‌లో భాగంగా మొదటి మూడు రోజుల్లో 3.81 లక్షల మంది ప్రియారిటీ గ్రూప్ లబ్ధిదారులకు టీకాలు వేశారు. వ్యాక్సిన్ తీసుకున్న తర్వాత 580 మందికి ప్రతికూల ఫలితాలు వచ్చినట్టు, మొరాబాద్‌బాద్‌లో ఒకరు, కర్ణాటకలో ఒకరు మృతి చెందినట్టు సమాచారం. ఈ ఇద్దరూకార్డియోపల్మనరీ సమస్యలను ఎదుర్కొన్నట్టు చెబుతున్నారు. అయితే, వాక్సిన్‌ కారణంగానే వీరు మరణించినట్టు ఇంతవరకూ నిర్ధారణ కాలేదు. కాగా, కేరళ, తమిళనాడులో ప్రియారిటీ గ్రూపుల నుంచి వ్యాక్సినేషన్ వేయించుకున్న వారు 25 శాతం కంటే తక్కువ ఉన్నారని, పంజాబ్, ఛత్తీస్‌గఢ్‌లోనూ పరిస్థితి ఇలాగే ఉందని తెలుస్తోంది.

Updated Date - 2021-01-19T16:46:38+05:30 IST