రెడ్‌లిస్ట్ నుంచి తప్పించండి.. యూకేకు పాక్ అభ్యర్థన
ABN , First Publish Date - 2021-08-09T01:36:30+05:30 IST
భారత ప్రయాణికులకు యూకే ప్రభుత్వం ఇచ్చిన వెసులుబాటుపై పాక్ స్పందించింది. భారత ప్రయాణికులకు ఇచ్చిన వెసులుబాటునే.. తమ దేశానికి చెందిన ప్రయాణికులకూ ఇవ్వాలని కోరింది. పూర్తి వివరాల్లోకి వెళితే.. ఇండియాలో కొవిడ్ విజృంభణ నేపథ్యంలో యూకే భారత్‌ను రెడ్‌లిస్ట్‌లో పెట్టింది. ప్రస్తుతం పరి
న్యూఢిల్లీ: భారత ప్రయాణికులకు యూకే ప్రభుత్వం ఇచ్చిన వెసులుబాటుపై పాక్ స్పందించింది. భారత ప్రయాణికులకు ఇచ్చిన వెసులుబాటునే.. తమ దేశానికి చెందిన ప్రయాణికులకూ ఇవ్వాలని కోరింది. పూర్తి వివరాల్లోకి వెళితే.. ఇండియాలో కొవిడ్ విజృంభణ నేపథ్యంలో యూకే భారత్‌ను రెడ్‌లిస్ట్‌లో పెట్టింది. ప్రస్తుతం పరిస్థితులు మెరుగుపడిన కారణంగా రెడ్‌లాస్ట్‌ నుంచి తొలగించి, అంబర్ లిస్ట్‌లో చేర్చింది. కొవిడ్ వ్యాక్సిన్ తీసుకన్న ప్రయాణికులకు తప్పనిసరి హోటల్ క్వారెంటైన్ నుంచి మినహాయింపు ఇచ్చింది. హోం క్వారెంటైన్‌లో ఉంటే సరిపోతుందని చెప్పింది. ఆగస్ట్ 8 నుంచి ఈ సవరించిన ఆంక్షలు అమలులోకి వస్తాయని పేర్కొంది. ఈ క్రమంలో పాక్ స్పందించింది. తమ దేశాన్ని కూడా రెడ్‌లిస్ట్ నుంచి తప్పించాలని ఓ పిటిషన్ ద్వారా యూకేను కోరింది. రెడ్‌లిస్ట్‌లో పెట్టిన కారణంగా వేలాది మంది ప్రయాణికులు పాక్‌లో చిక్కుకుపోయారని తెలిపింది.
