ఆస్ట్రియాలో అమల్లోకి కీలక చట్టం.. ఆత్మహత్యలకు ఓకే.. కానీ..
ABN , First Publish Date - 2022-01-02T23:08:20+05:30 IST
ఆస్ట్రియాలో జనవరి 1 నుంచి కీలక చట్టం అమల్లోకి వచ్చింది. ఈ చట్టం ప్రకారం.. 18ఏళ్లుపైడిన వ్యక్తులు ఎవరైనా చికిత్స లేని దీర్ఘకాల ప్రాణాంతక వ్యాధితో బాధపడుతున్నట్లైతే.. సదరు వ్యక్తులు ఆత్మహత్య చే
ఇంటర్నెట్ డెస్క్: ఆస్ట్రియాలో జనవరి 1 నుంచి కీలక చట్టం అమల్లోకి వచ్చింది. ఈ చట్టం ప్రకారం.. 18ఏళ్లుపైడిన వ్యక్తులు ఎవరైనా చికిత్స లేని దీర్ఘకాల ప్రాణాంతక వ్యాధితో బాధపడుతున్నట్లైతే.. సదరు వ్యక్తులు ఆత్మహత్య చేసుకోవడానికి ప్రభుత్వం అనుమతి ఇస్తుంది. ఇందుకోసం సదరు వ్యక్తులు ఇద్దరు డాక్టర్ల ఆమోదంతో ప్రభుత్వానికి దరఖాస్తు చేసుకోవాల్సి ఉంటుంది. ఆ తర్వాత ఆత్మహత్య చేసుకోవడానికి ప్రభుత్వం అనుమతిస్తుంది. దీనికి సంబంధించిన బిల్లుకు ఆస్ట్రియా పార్లమెంటు గత నెలలోనే ఆమోదం తెలపగా.. శనివారం నుంచి ఈ చట్టం దేశ వ్యాప్తంగా అమల్లోకి వచ్చింది.
అయితే ప్రభుత్వం తెచ్చిన ఈ చట్టంపై ఆస్ట్రియాలో భిన్న స్వరాలు వినిపిస్తున్నాయి. కొందరు ఈ చట్టాన్ని వ్యతిరేకిస్తుంటే.. మరికొందరేమో దరఖాస్తు ప్రక్రియ సంక్షిష్టంగా ఉందని ఆగ్రహం వ్యక్తం చేస్తున్నారు. అయితే ప్రభుత్వ అనుమతి లేకుండా ఆత్మహత్యకు పాల్పడటం అక్కడ నేరంగా పరిగణించబడుతుంది. ఆత్మహత్య పాల్పడినట్లు నేరం రుజువైతే.. ఐదేళ్ల వరకు జైలు శిక్ష పడే అవకాశం ఉంది.