అగ్ని ప్రమాదం కారణంగా వ్యక్తి మృతి
ABN , First Publish Date - 2021-03-03T16:26:16+05:30 IST
హైదరాబాద్: చిన్న గదిలో అగ్ని ప్రమాదం సంభవించింది. ఈ ప్రమాదం కారణంగా ఓ వ్యక్తి ఊపిరాడక మృతి చెందాడు.
హైదరాబాద్: చిన్న గదిలో అగ్ని ప్రమాదం సంభవించింది. ఈ ప్రమాదం కారణంగా ఓ వ్యక్తి ఊపిరాడక మృతి చెందాడు. కలకత్తా ప్రాంతానికి చెందిన సందీప్ రాయ్(27) మేడ్చల్ పోలీస్ స్టేషన్ పరిధిలోని హోసింగ్ బోర్డు కాలనీలో నివాసముంటున్నాడు. ఒక్కడే ఉంటూ సెంట్రింగ్ పని చేస్తున్నాడు. నిన్న రాత్రి ఇంటికి వచ్చి తలుపులు వేసుకొని మద్యం మత్తులో వంట చేసుకుంటుండగా నిద్రలోకి జారుకున్నాడు. లోపల మంటలు అంటుకొని దట్టమైన పొగ కమ్ముకోవడంతో ఊపిరాడక సందీప్ మృతి చెందినట్లుగా పోలీసులు భావిస్తున్నారు. మంటలు ఎలా వచ్చాయన్న దానిపై పోలీసులు దర్యాప్తు చేస్తున్నారు.
