ఇక ‘జియో-బీపీ’ బ్రాండ్ పెట్రో ఉత్పత్తులు
ABN , First Publish Date - 2020-07-10T05:59:55+05:30 IST
పెట్రో ఉత్పత్తుల రిటైల్ మార్కెట్లో పోటీ తీవ్రం కాబోతోంది. ఇప్పటి వరకు ఈ మార్కెట్లో ప్రభుత్వ రంగంలోని ఐఓసీ, బీపీసీఎల్, హెచ్పీసీఎల్ కంపెనీలదే హవా. ఈ కంపెనీలకు మున్ముందు రిలయన్స్ ఇండస్ట్రీస్ నుంచి తీవ్ర పోటీ ఎదురుకానుంది...
న్యూఢిల్లీ: పెట్రో ఉత్పత్తుల రిటైల్ మార్కెట్లో పోటీ తీవ్రం కాబోతోంది. ఇప్పటి వరకు ఈ మార్కెట్లో ప్రభుత్వ రంగంలోని ఐఓసీ, బీపీసీఎల్, హెచ్పీసీఎల్ కంపెనీలదే హవా. ఈ కంపెనీలకు మున్ముందు రిలయన్స్ ఇండస్ట్రీస్ నుంచి తీవ్ర పోటీ ఎదురుకానుంది. రిలయన్స్ ఇందుకోసం బ్రిటిష్ పెట్రోలియం (బీపీ)తో కలిసి గత ఏడాది రిలయన్స్ బీపీ మొబిలిటీ లిమిటెడ్ (ఆర్బీఎంఎల్) పేరుతో ఒక జాయింట్ వెంచర్ కంపెనీని ఏర్పాటు చేసింది. ఈ కంపెనీ ‘జియో-బీపీ’ పేరు తో తన పెట్రోల్, డీజిల్, విమాన ఇంధనాల్ని విక్రయించబోతోంది. ఇందుకోసం ప్రస్తుతమున్న 1,400 రిలయ న్స్ పెట్రోల్ బంకుల్ని వచ్చే ఐదేళ్లలో 5,500కు పెంచాలని నిర్ణయించారు. కాగా భవిష్యత్ మార్కెట్ను దృష్టి లో పెట్టుకుని రిలయన్స్ కార్యకలాపాలు విస్తరిస్తోంది.