ఈ ఎలుక విషపూరితం!

ఎక్కడైనా ఎలుకలకు విషం ఉంటుందా? అంటే ఉంటుందని చెప్పక తప్పదు. ఎందుకంటే అత్యంత ప్రమాదకరమైన విషాన్ని కలిగి ఉండే ఎలుకలు ఆఫ్రికా అడవుల్లో ఉన్నాయి.

1. ఆఫ్రికన్‌ క్రెస్టెడ్‌ ర్యాట్‌ అని పిలిచే ఈ ఎలుక శరీరంపై ఉండే వెంట్రుకల్లో ప్రమాదకరమైన విషం ఉంటుంది. ఆత్మరక్షణ కోసం ఎలుకలు ఈ విషాన్ని కలిగి ఉంటాయి.
2. ఆసక్తికరమైన విషయం ఏమిటంటే ఈ ఎలుకలు పుట్టుకతో విషాన్ని కలిగి ఉండవు. ‘పాయిజన్‌ ఆరో ట్రీ’ అని పిలిచే మొక్కను తినడం ద్వారా వెంట్రుకలకు విషాన్ని పొందుతాయి. ఈ విషం ఎంత తీవ్రత కలిగి ఉంటుందంటే ఆ వెంట్రుకలను తాకితే ఏనుగు సైతం చనిపోతుంది.
3. ఒకవేళ కుక్క ఎలుకపై దాడి చేస్తే, కొద్ది క్షణాల్లోనే కుక్క అనారోగ్యానికి గురై చనిపోతుంది. ఈ ఎలుకలపై శాస్త్రవేత్తలు పరిశోధనలు చేసి అనేక విషయాలు తెలుసుకున్నారు. విషపూరితమైన ఆ మొక్క ఎలుకలపై ఎలాంటి దుష్ప్రభావాన్ని చూపడం లేదని కనుగొన్నారు.