చెప్పు ఆకారంతో మహిళను చిత్రించి ఆమెతో..!

 హైదరాబాద్ సిటీ/చాదర్‌ఘాట్‌ : హిందువుల మనోభావాలను దెబ్బతీస్తున్నారని కర్మన్‌ఘాట్‌కు చెందిన న్యాయవాది సరూర్‌నగర్‌ పోలీస్‌ స్టేషన్‌లో ఫిర్యాదు చేశారు. నగరంలోని ఓ ఫుట్‌వేర్‌ విక్రయ సంస్థ నిర్వాహకులు తమ అమ్మకాలను పెంచుకునేందుకు దాండీయా ఆడుతున్న పోస్టర్‌ను ఇంటర్నెట్‌లో పోస్ట్‌ చేశారని ఫిర్యాదులో పేర్కొన్నారు. దసరా పండుగ సందర్భంగా దుస్తులు, చెప్పులు కొనుగోలు చేసేందుకు ఇంటర్నెట్‌లో సైట్‌ ఓపెన్‌ చేయగా, చెప్పు ఆకారంతో మహిళను చిత్రించి ఆమెతో దాండీయా ఆడుతున్న పోస్ట్‌ కనిపించింది. దానిని పరిశీలించగా వారు తమ మార్కెటింగ్‌లో భాగంగా పోస్టర్‌ను తయారు చేసి ఇంటర్నెట్‌లో పోస్ట్‌ చేసినట్టు న్యాయవాది గుర్తించారు. నిర్వాహకులు, డిజైనర్‌పై చర్యలు చేపట్టాలని తన ఫిర్యాదులో కోరారు. ఇన్‌స్పెక్టర్‌ సీతారాం చట్టపరమైన చర్యలు చేపడతామన్నారు.