పోస్టల్ డిపాజిట్లు... కొత్త ఐవీఆర్...
ABN , First Publish Date - 2021-10-22T06:19:42+05:30 IST
ఐపీపీబీ(ఇండియన్ పోస్ట్ పేమెంట్ బ్యాంక్)లో సేవింగ్స్ ఖాతాలుండే ఖాతాదారులకు వెసులుబాటు. పోస్టల్ డిపాజిట్లను సులభతరం చేసేందుకు పోస్టల్ విభాగం తాజాగా కొత్త ఇంటరాక్టివ్ వాయిస్ రెస్పాన్స్(ఐవీఆర్) విధానాన్ని అందుబాటులోకి తెచ్చింది.
న్యూఢిల్లీ : ఐపీపీబీ(ఇండియన్ పోస్ట్ పేమెంట్ బ్యాంక్)లో సేవింగ్స్ ఖాతాలుండే ఖాతాదారులకు వెసులుబాటు. పోస్టల్ డిపాజిట్లను సులభతరం చేసేందుకు పోస్టల్ విభాగం తాజాగా కొత్త ఇంటరాక్టివ్ వాయిస్ రెస్పాన్స్(ఐవీఆర్) విధానాన్ని అందుబాటులోకి తెచ్చింది. మొబైల్ ఫోన్ ద్వారానే ఈ కొత్త సదుపాయాన్ని పొందవచ్చు.
ఈ కొత్త ఐవీఆర్ సేవతో మీ పోస్టల్ పెట్టుబడులకు సంబందించిన వడ్డీ, బ్యాలెన్స్, డిపాజిట్ వివరాలు, ఏటీఎమ్ కార్డ్ బ్లాకింగ్, సౌకర్యాలతో పాటు వివిధ పోస్టల్ సేవింగ్ ఉత్పత్తులకు సంబంధించిన పూర్తి సమాచారాన్ని తెలుసుకోవచ్చు. డిపార్ట్మెంట్ జారీ చేసిన సర్క్యులర్ ప్రకారం, పీపీఎఫ్, ఎన్ఎస్సీ వంటి చిన్న పొదుపు పథకాల్లో పెట్టుబడి పెట్టిన ఖాతాదారులు... 18002 666868 ట్రోల్ ఫ్రీ నంబర్కు కాల్ చేసి పూర్తి వివరాలు తెలుసుకోవచ్చు.
ఈ ఐవీఆర్ ఫెసిలిటీలో 1 నంబర్ నొక్కితే హిందీలో సమాచారం వస్తుంది. 2 నంబర్ నొక్కితే ఇంగ్లీష్లో సమాచారం వస్తుంది.
మరోవైపు, దీని ద్వారా పోస్టల్ డెలివరీ సేవలు, రిజిస్టర్ పోస్ట్ సేవలు, జీవిత బీమా ప్రీమియం గడువు తేదీ, ప్రీమియం మొత్తం, పాలసీ స్టేటస్, పాలసీ మెచ్యూరిటీ తేది, హామీ మొత్తం, బ్యాంకింగ్, ఇన్సూరెన్స్ సేవలు అన్ని పథకాల్లో ఖాతా బ్యాలెన్స్, డెబిట్ కార్డు సేవలు, పోస్టాఫీస్ అందించే చిన్న మొత్తాల పొదుపు పథకాలు సహా ఇతరత్రా సేవల గురించి సమాచారం తెలుసుకునే వీలుంటుంది.