40 ఏళ్ల నాటి కేకు ముక్కకు రూ.2 లక్షలు!

ABN , First Publish Date - 2021-08-13T13:42:34+05:30 IST

అదో కేకు ముక్క. ఎప్పుడో 40 ఏళ్ల నాటిది! వేలం పాట పెడి తే కొనేందుకు జనం ఎగబడ్డారు. చివరికి అది రూ.1.9 లక్షల ధరకు అమ్ముడైంది. ఆ కేకు ముక్కకు ఎందుకంత ప్రాధాన్యం అనంటరా? అది బ్రిటన్‌ యువరాజు చార్లెస్‌, డయనా వివాహ వేడుక నాటిది మరి.

40 ఏళ్ల నాటి కేకు ముక్కకు రూ.2 లక్షలు!

ప్రిన్స్‌ చార్లెస్‌-డయానా పెళ్లి ప్రమాణాల నాటి కేకు వేలం

లండన్‌, ఆగస్టు 12: అదో కేకు ముక్క. ఎప్పుడో 40 ఏళ్ల నాటిది! వేలం పాట పెడితే కొనేందుకు జనం ఎగబడ్డారు. చివరికి అది రూ.1.9 లక్షల ధరకు అమ్ముడైంది. ఆ కేకు ముక్కకు ఎందుకంత ప్రాధాన్యం అనంటరా? అది బ్రిటన్‌ యువరాజు చార్లెస్‌, డయనా వివాహ వేడుక నాటిది మరి. అప్పట్లో అంటే 1981 జూలై 29న ఉంగరాలు మార్చుకుంటూ పెళ్లి ప్రమాణాలు చేసిన వేళ చార్లెస్‌-డయానాలు 23 కేకులు కట్‌ చేశారు. అందులోని ఓ కేకు తాలూకు ముక్క ఇది. అప్పట్లో ఈ కేకు ముక్కను రాజ మందిరంలో పనిచేసిన మోయా స్మిత్‌కు ఇచ్చారు. ఈ కేక్‌ను ఆమె కుటుంబ సభ్యులు 2008లో ఓ కలెక్టర్‌కు విక్రయించారు. బుధవారం ఇది వేలానికొచ్చింది. గ్యారీ లేటన్‌ అనే వ్యక్తి 2,565 డాలర్లుకు కొనుక్కున్నారు.

Updated Date - 2021-08-13T13:42:34+05:30 IST