Abn logo
Sep 27 2021 @ 02:13AM

మానసిక అవధి 18000

టెక్‌ వ్యూ

నిఫ్టీ గత వారం 17200 వరకు దిగజారినప్పటికీ బలమైన రికవరీ సాధించి చివరికి 270 పాయింట్ల లాభంతో వారం గరిష్ఠ స్థాయిలో ముగిసింది. ఇప్పుడు ప్రధాన మానసిక అవధి 18000 చేరువలో ఉంది. గత 8 వారాలుగా నిరంతర ర్యాలీ సాధించి 2500 పాయింట్ల వరకు లాభపడింది. అలాగే గత 18 నెలల కాలంలో 11000 పాయింట్ల వరకు లాభపడింది. టెక్నికల్‌గా అప్‌ట్రెండ్‌లోనే ఉన్నా మధ్యకాలిక చార్టుల ఆర్‌ఎస్‌ఐ సూచీ 92 శాతం ఉంది. ఓవర్‌బాట్‌ స్థితి కొనసాగుతోంది. ఈ గరిష్ఠ స్థాయిల్లో కొత్త ఇన్వెస్టర్లు అప్రమత్తంగా ఉండాలి.


 గత కొద్ది వారాలుగా ప్రతి ఒక్క నిరోధాన్ని అవలీలగా ఛేదిస్తూ ప్రతి ఒక్క మద్దతు స్థాయి వద్ద రికవరీ సాధిస్తోంది. అంతర్జాతీయ మార్కెట్‌ ధోరణులు పరిగణనలోకి తీసుకుంటే ఈ వారంలో ఫ్లాట్‌గా ప్రారంభం కావచ్చు. 18000 వద్ద పరీక్ష ఎదుర్కొనవచ్చు. 


బుల్లిష్‌ స్థాయిలు:

నిరోధ స్థాయిలు 18000, 18050. కన్సాలిడేషన్‌ అనంతరం మార్కెట్‌ ఈ స్థాయి కన్నా పైన నిలదొక్కుకోవాలి. కన్సాలిడేషన్‌ పూర్తి చేసుకుని నిలదొక్కు కున్న తర్వాతే మరింత అప్‌ట్రెండ్‌లో పయనిస్తూ కొత్త గరిష్ఠ స్థాయిలకు ప్రయాణం సాగిస్తుంది. 


బేరిష్‌ స్థాయిలు:

18000 వద్ద విఫలమైతే కరెక్షన్‌ ఏర్పడవచ్చనేందుకు సంకేతంగా భావించాలి. ప్రధాన మద్దతు స్థాయి 17600. అంతకన్నా దిగజారితే ఇతర ప్రధాన మద్దతు స్థాయిలు 17300, 17000. ఇది మూడు వారాల కనిష్ఠ  స్థాయి, స్వల్పకాలిక మద్దతు స్థాయి. 


బ్యాంక్‌ నిఫ్టీ:

ఈ సూచీ గత వారం ఫ్లాట్‌గా ముగిసింది. ఆల్‌టైమ్‌ హై 37800 వద్ద నిలిచింది. నిరోధ స్థాయి 38100. ఆ పైన నిలదొక్కుకుంటే ర్యాలీ కొనసాగుతుంది. మద్దతు స్థాయిలు 37600, 37000. 


పాటర్న్‌: గత వారం ఈ నెల 17న ఏర్పడిన టాప్‌ వద్ద బ్రేకౌట్‌ సాధించినందు వల్ల టెక్నికల్‌ పుల్‌బ్యాక్‌ అవకాశాలు న్నాయి. ట్రేడర్లు అప్రమత్తంగా ఉండాలి. 18000 వద్ద ‘‘అడ్డంగా ఏర్పడిన సపోర్ట్‌ ట్రెండ్‌లైన్‌’’ వద్ద నిరోధం ఉంది. మరింత అప్‌ట్రెండ్‌ కోసం ఈ రేఖ కన్నా పైన నిలదొక్కుకోవాలి. మార్కెట్‌ ప్రస్తుతం 25, 50 డిఎంఏల కన్నా చాలా పైన ఉన్నందు వల్ల సాధారణ పరిస్థితుల్లో తక్షణ డౌన్‌ట్రెండ్‌ ప్రమాదం లేదు.  


టైమ్‌: ఈ సూచీ ప్రకారం సోమవారం తదుపరి రివర్సల్‌ ఉంటుంది. వీక్లీ చార్టుల ప్రకారం సైతం ఈ వారంలో స్వల్పకాలిక రివర్సల్‌ ఉంది. 

సోమవారం స్థాయిలు

నిరోధం : 17920, 18000

మద్దతు : 17770, 17700

ఆర్తి ఇండస్ర్టీస్‌  

ప్రస్తుత ధర రూ.915

www.sundartrends.in

గత కొద్ది వారాలుగా సైడ్‌వేస్‌ ధోరణిలో ట్రేడవుతూ రూ.990 నుంచి రూ.880కి దిగజారింది. గత వారం రూ.900 కన్నా పైన క్లోజైంది. ఏ మాత్రం తగ్గినా కొనడానికి ప్రయత్నించవచ్చు. నిరోధ స్థాయిలు రూ.960, రూ.1000.రూ.880 కన్నా దిగజారితే స్వల్ప కాలానికి ఎగ్జిట్‌ కావచ్చు.

టెక్‌ బెట్స్‌

బజాజ్‌ ఆటో : ప్రస్తుత ధర రూ.3,809

గత కొద్ది నెలలుగా సైడ్‌వేస్‌లో ట్రేడవుతూ రూ.4,300 నుంచి రూ.3,700కి దిగజారింది. గత వారం రూ.3,800 కన్నా పైన క్లోజైంది.  ఏ మాత్రం తగ్గినా కొనవచ్చు. నిరోధ స్థాయిలు రూ.4,000, రూ.4,250. రూ.3,680 కన్నా దిగజారితే స్వల్పకాలానికి ఎగ్జిట్‌ కావచ్చు.