దద్దుర్లతో జర భద్రం!

ABN , First Publish Date - 2020-05-12T06:44:46+05:30 IST

కరోనా వైరస్‌ సోకినప్పుడు కనిపించే లక్షణాలకు మరికొన్ని కొత్తవి తోడయ్యాయి. అవే ‘దద్దుర్లు’! వాటి స్వభావం ఎలా ఉంటుందంటే...

దద్దుర్లతో జర భద్రం!

కరోనా వైరస్‌ సోకినప్పుడు కనిపించే లక్షణాలకు మరికొన్ని కొత్తవి తోడయ్యాయి. అవే ‘దద్దుర్లు’! వాటి స్వభావం ఎలా ఉంటుందంటే...


మాక్యులోపాప్యూల్స్‌: చిన్నవిగా, ఉబ్బెత్తుగా కనిపించే ఎర్రని దద్దుర్లు ఇవి! ఇవి సుమారు 7 రోజుల వరకూ శరీరం మీద ఉండిపోతాయి. కరోనా ఇన్‌ఫెక్షన్‌ తీవ్రంగా ఉన్న వారికి ఈ దద్దుర్లు తలెత్తుతాయి. జలుబు, దగ్గు లక్షణాలతో పాటు దద్దుర్లు కూడా కలిసి కనిపించవచ్చు.

నెటిల్‌ ర్యాష్‌: ఇవి ఉబ్బెత్తుగా కనిపించే లేత గులాబీ రంగు, తెలుపు రంగు దద్దుర్లు. ఇవి దురద పెడతాయి కూడా! ఛాతీ, పొట్ట మీద ఈ దద్దుర్లు కనిపిస్తాయి. కొంతమందిలో చేతుల మీద కూడా కనిపించవచ్చు.

బ్లిస్టర్స్‌: కరోనా పాజిటివ్‌ బాధితుల్లో చేతులు, కాళ్లు, ఒంటి మీద తలెత్తుతాయి. దురదతో కూడిన ఈ నీటి బుడగలు మధ్యవయస్కులైన కరోనా బాధితుల్లో ఎక్కువ. మిగతా కరోనా లక్షణాల కన్నా ముందే ఈ బ్లిస్టర్స్‌ కనిపించి, కనీసం 10 రోజుల పాటు వేధిస్తాయి.

నెక్రోసిస్‌ ర్యాష్‌: చర్మం మీద నెట్‌ను పోలిన దద్దుర్లు ఎరుపు లేదా నీలం రంగులో తలెత్తుతాయి. ఇలా దద్దుర్లు రంగు మారడానికి రక్తప్రసరణ లోపమే కారణం. తీవ్రమైన ఇన్‌ఫెక్షన్‌తో ఆస్పత్రిపాలైన వృద్ధులైన కరోనా బాధితుల్లో ఈ లక్షణం కనిపిస్తుంది.


Updated Date - 2020-05-12T06:44:46+05:30 IST