Advertisement
Advertisement
Abn logo
Advertisement

MP Revanth tweet: మోదీ స్టేడియం పేరు మార్చండి

న్యూఢిల్లీ : ప్రధాని రాజీవ్ గాంధీ ఖేల్ రత్న అవార్డును మేజర్ ధ్యాన్ చంద్ ఖేల్ రత్న అవార్డుగా మార్చిన నేపథ్యంలో, నరేంద్ర మోడీ స్టేడియానికి ఒక క్రికెటర్ పేరు పెట్టాలని కాంగ్రెస్ ఎంపీ రేవంత్ రెడ్డి డిమాండ్ చేశారు. గుజరాత్ రాష్ట్రంలోని మోటెరా నగరంలోని అతిపెద్ద క్రికెట్ స్టేడియం అయిన  నరేంద్ర మోడీ స్టేడియం పేరు మార్చాలని కాంగ్రెస్ ఎంపీ రేవంత్ రెడ్డి ట్వీట్‌లో కోరారు.‘‘రాజీవ్ గాంధీ ఖేల్ రత్న పురస్కారాన్ని ధ్యాన్‌చంద్ ఖేల్ రత్న అవార్డుగా మార్చిన తర్వాత, ప్రపంచంలోని అతిపెద్ద క్రికెట్ స్టేడియం పేరును నరేంద్ర మోడీ స్టేడియానికి క్రికెటర్ పేరిట మార్చాలని మేం ప్రధానిని కోరుతున్నాం. అలాగే ఢిల్లీలోని అరుణ్ జైట్లీ స్టేడియానికి కూడా క్రికెట్ లెజెండ్ పేరు పెట్టండి’’ అని  ఎంపీ రేవంత్ ట్వీట్ చేశారు.మోటెరాలోని సర్దార్ పటేల్ క్రికెట్ స్టేడియం పేరును నరేంద్ర మోడీ స్టేడియంగా, రాజీవ్ గాంధీ ఖేల్ రత్న అవార్డును మేజర్ ధ్యాన్ చంద్ ఖేల్ రత్న అవార్డుగా మార్చడంపై  బీజేపీ, కాంగ్రెస్ పార్టీల మధ్య రాజకీయ యుద్ధానికి దారి తీసింది.


Advertisement
Advertisement