‘ఇండియా బుక్‌’ రికార్డ్స్‌లో ఖ్యాతి
ABN , First Publish Date - 2021-06-22T05:52:59+05:30 IST
యువ ఆర్టిస్టిక్‌ రోలర్‌ స్కేటర్‌, తెలుగమ్మాయి అనుపోజు ఖ్యాతి ఇండియా బుక్‌
హైదరాబాద్‌ (ఆంధ్రజ్యోతి క్రీడాప్రతినిధి): యువ ఆర్టిస్టిక్‌ రోలర్‌ స్కేటర్‌, తెలుగమ్మాయి అనుపోజు ఖ్యాతి ఇండియా బుక్‌ ఆఫ్‌ రికార్డ్సులో చోటు సంపాదించింది. హైదరాబాద్‌కు చెందిన ఖ్యాతి రోలర్‌ స్కేటింగ్‌లో ఇప్పటి వరకు 71 మెడల్స్‌ సాధించింది. ఇందులో ఒక అంతర్జాతీయ, 9 జాతీయ, 28 రాష్ట్ర స్థాయి పతకాలున్నాయి. 15 ఏళ్ల ఖ్యాతి దక్షిణ కొరియా (2019)లో జరిగిన ఆసియా రోలర్‌ స్కేటింగ్‌లో రజతం గెలిచి సత్తా చాటింది. పిన్న వయస్సులోనే ఇన్ని ఘనతలు సాధించడంతో ఇండియా బుక్స్‌ ఆఫ్‌ రికార్డ్సులో ఖ్యాతికి స్థానం లభించింది.
