ఎస్ఈసీకి ఆ అధికారం ఉంది.. హైకోర్టు డివిజనల్ బెంచ్

ABN , First Publish Date - 2021-03-06T02:54:57+05:30 IST

హైకోర్టులో ఎస్ఈసీ హౌస్ మోషన్ పిటిషన్ దాఖలు చేసింది. వాలంటీర్లపై సింగిల్ బెంచ్ ఇచ్చిన తీర్పును పిటిషన్‌లో ఎస్ఈసీ సవాల్ చేసింది.

ఎస్ఈసీకి ఆ అధికారం ఉంది.. హైకోర్టు డివిజనల్ బెంచ్

అమరావతి: హైకోర్టులో ఎస్ఈసీ హౌస్ మోషన్ పిటిషన్ దాఖలు చేసింది. వాలంటీర్లపై సింగిల్ బెంచ్ ఇచ్చిన తీర్పును పిటిషన్‌లో ఎస్ఈసీ సవాల్ చేసింది. ఈ పిటిషన్‌ను డివిజనల్ బెంచ్ విచారించింది. వాలంటీర్లు తమ ఫోన్లను వెంటనే మున్సిపల్ కమిషనర్‌కు సరెండర్ చేయాలని, అధికారిక పని ఏదైన ఉంటే ఫోన్ చూసుకుని వెంటనే ఇచ్చేయాలని, ఎన్నికల పనులపై ఫోన్లు ఉపయోగిస్తే.. ఎస్ఈసీకి చర్యలు తీసుకునే అధికారం ఉందని డివిజనల్ బెంచ్ స్పష్టం చేసింది. సింగిల్ బెంచ్ ఉత్తర్వులను డివిజనల్ బెంచ్ సవరించింది.


మున్సిపల్‌ ఎన్నికల్లో వార్డు వాలంటీర్లను దూరంగా ఉంచుతూ చర్యలు తీసుకోవాలని జిల్లా కలెక్టర్లను ఆదేశిస్తూ రాష్ట్ర ఎన్నికల సంఘం (ఎస్‌ఈసీ) గత నెల ఫిబ్రవరి 28న ఇచ్చిన ఉత్తర్వుల అమలును హైకోర్టు నిలుపుదల చేసిన విషయం తెలిసిందే. వాలంటీర్లు అధికార దుర్వినియోగానికి పాల్పడుతున్నట్లు నిర్దిష్ట ఆధారాల్లేవని తెలిపింది. ఈ నేపథ్యంలో వారి విధులను నిలువరిస్తూ.. ఫోన్లు స్వాధీనం చేసుకోవాలని చెప్పలేమని పేర్కొంది. ప్రజల శ్రేయస్సు కోసం పనిచేస్తున్న వలంటీర్లను విధులు నిర్వహించేందుకు అనుమతించాలని కోర్టు అభిప్రాయపడుతోందని తెలిపింది. వారిని దూరంగా ఉంచాలని ఎస్‌ఈసీ ఇచ్చిన ఉత్తర్వుల అమలుపై స్టే ఇచ్చింది. అయితే సింగిల్ బెంచ్ ఇచ్చిన తీర్పును సవాల్ చేస్తూ.. ఎస్‌ఈసీ డివిజనల్ బెంచ్‌ను ఆశ్రయించింది.

Updated Date - 2021-03-06T02:54:57+05:30 IST