భారత్‌లో రెండో కరోనా కేసు.. ఎక్కడంటే?

భారత్‌లో రెండో కరోనా వైరస్ కేసు నమోదయింది. తొలి కేసు నమోదైన కేరళలోనే రెండో కేసు కూడా నమోదవడం గమనార్హం. కేరళకు చెందిన ఓ విద్యార్థికి కరోనా వైరస్ టెస్టులు నిర్వహించగా పాజిటివ్ ఫలితాలు వచ్చాయి. అతనే భారత్‌లో తొలి కరోనా బాధితుడు. అయితే అతన్ని వెంటనే అబ్జర్వేషన్‌లోకి తీసుకున్న వైద్యులు.. అతనికి చికిత్స అందిస్తున్నారు. ప్రస్తుతం సదరు యువకుడి ఆరోగ్య పరిస్థితి స్థిరంగా ఉందని, అతన్ని అబ్జర్వేషన్‌లోనే ఉంచామని వైద్యులు తెలిపారు. ఈ క్రమంలో కేరళకే చెందిన మరో వ్యక్తికి చేసిన కరోనా వైరస్ పరీక్షలు పాజిటివ్ ఫలితాలివ్వడంతో ఇక్కడి ప్రభుత్వం అప్రమత్తమయింది.