కదిలిన అంతర్రాష్ట్ర ఆర్టీసీ బస్సులు
ABN , First Publish Date - 2021-06-22T05:51:04+05:30 IST
కొవిడ్‌-19 సెకండ్‌ వేవ్‌ కారణంగా గత నెల 5వ తేదీ నుంచి నిలిచిన అంతర్రాష్ట్ర పీటీడీ(ఆర్టీసీ) బస్సు సర్వీసులు సోమవారం పునః ప్రారంభమయ్యాయి.
ద్వారకాబస్‌స్టేషన్‌, జూన్‌ 21 : కొవిడ్‌-19 సెకండ్‌ వేవ్‌ కారణంగా గత నెల 5వ తేదీ నుంచి నిలిచిన అంతర్రాష్ట్ర పీటీడీ(ఆర్టీసీ) బస్సు సర్వీసులు సోమవారం పునః ప్రారంభమయ్యాయి. కర్ఫ్యూ నిబంధనలు ఉదయం ఆరు నుంచి సాయంత్రం ఆరు గంటల వరకు సడలింపు ఇవ్వడంతో ఆ సమయంలో గమ్యస్థానాలకు చేరుకునే అంతర్రాష్ట సర్వీసులను ఆపరేట్‌ చేస్తున్నారు. విశాఖ నుంచి హైదరాబాద్‌, భద్రాచలం, విజయవాడ వంటి దూర ప్రాంతాలకు బస్సులు నడిచాయి. ప్రయాణికుల డిమాండ్‌ను బట్టి మంగళవారం నుంచి అంతరాష్ట్ర సర్వీసులు పెంచుతామని పీటీడీ విశాఖ రీజియన్‌ అధికారులు వెల్లడించారు.
