టీటీడీపై హీరో సూర్య తండ్రి శివకుమార్‌ సంచలన ఆరోపణలు

హైదరాబాద్: టీటీడీపై హీరో సూర్య తండ్రి శివకుమార్‌ సోషల్ మీడియాలో సంచలన ఆరోపణలు చేశారు. తిరుమలలో డబ్బులున్నవారికే దర్శనాలు కల్పిస్తారని, గెస్ట్‌హౌస్‌లు ఇస్తారని మండిపడ్డారు. సామాన్యులకు దర్శనం కల్పించకుండా తోసేస్తారని శివకుమార్‌ వాపోయారు. అలాంటి ఆలయంలోకి ఎందుకు వెళ్లాలని ఆయన ప్రశ్నించారు. టీటీడీపై దుష్ప్రచారం చేశారంటూ 8మందిపై పోలీసులు కేసులు నమోదు చేశారు. కేసులు నమోదైన వారిలో హీరో సూర్య తండ్రి శివకుమార్‌ ఉన్నారు. తిరుమలలో అసాంఘిక కార్యకలాపాలు జరుగుతున్నాయని, తిరుమలకు వెళ్లొద్దంటూ శివకుమార్‌ అసత్య ప్రచారం చేశారని, తమిళ మయ్యన్ అనే వ్యక్తి ఫిర్యాదుతో కేసు నమోదు చేశారు.