ఢిల్లీ అమెజాన్ స్టోరులో అగ్నిప్రమాదం

ముగ్గురికి గాయాలు, ఆరుగురిని కాపాడిన అగ్నిమాపకశాఖ బృందం

న్యూఢిల్లీ : ఢిల్లీలోని రోహిణి ప్రాంతంలో ఈ కామర్సు దిగ్గజమైన అమెజాన్ స్టోరులో శుక్రవారం ఉదయం అగ్నిప్రమాదం జరిగింది. ఈ అగ్నిప్రమాద సమయంలో స్టోరు టెర్రస్ పై ఉన్న ఆరుగురిని అగ్నిమాపకశాఖ అధికారులు కాపాడారు. ఆరుగురిలో ఓ మహిళకు స్వల్ప గాయాలయ్యాయి.గాయపడిన మహిళను అంబేద్కర్ ఆసుపత్రికి తరలించారు. అమెజాన్ స్టోరులో అగ్నిప్రమాదం జరిగిందని తెలియగానే అగ్నిమాపకశాఖ వాహనాలతో అధికారులు వచ్చి మంటలను అదుపు చేసేందుకు యత్నిస్తున్నారు. ఈ స్టోరులో ఉన్న సునీల్ అనే వ్యక్తి కాలికి మంటలంటుకొని గాయాలయ్యాయి. దీంతో అతన్ని అంబేద్కర్ ఆసుపత్రికి తరలించారు. మంటల్లో ఓ అగ్నిమాపకశాఖ ఉద్యోగి ఒకరు గాయపడ్డారు. దీంతో గాయపడిన ఉద్యోగిని ఆసుపత్రికి తరలించారు. ఈ అగ్నిప్రమాదానికి కారణాలు తెలియరాలేదు.