చెమటకాయలు రాకుండా..!
ABN , First Publish Date - 2021-04-29T05:30:00+05:30 IST
వేసవిలో ఇబ్బంది పెట్టే సమస్య చెమటకాయలు. సాధారణంగా ఉక్కిరిబిక్కిరి చేసే వేడి వాతావరణం వల్ల ఇవి వస్తాయి. ఈ సమస్య తలెత్తకుండా ఉండడానికి నిపుణులు చేస్తున్న సూచనలివి...
వేసవిలో ఇబ్బంది పెట్టే సమస్య చెమటకాయలు. సాధారణంగా ఉక్కిరిబిక్కిరి చేసే వేడి వాతావరణం వల్ల ఇవి వస్తాయి. ఈ సమస్య తలెత్తకుండా ఉండడానికి నిపుణులు చేస్తున్న సూచనలివి...
- మీ శరీరానికి గాలి తగిలేలా తేలికగా, వదులుగా ఉండే దుస్తులు ధరించాలి. వేసవిలో ముదురు రంగు దుస్తులకు దూరంగా ఉండండి.
- విపరీతమైన వేడి, వడగాలుల వల్ల శరీరం తొందరగా డీహైడ్రేట్ అవుతుంది. ఈ సమస్య రాకుండా జాగ్రత్త పడాలంటే... మజ్జిగ, నిమ్మరసం, కొబ్బరినీళ్ల వంటి సహజసిద్ధమైన ద్రవపదార్థాలు తీసుకోవాలి. ఇవి శరీరంలోని వేడిని తగ్గిస్తాయి.
- ఆరోగ్యకరమైన ఆహారం తీసుకోవడం వేసవిలో చాలా ముఖ్యం. పండ్లు, సలాడ్స్ వంటివి ఎక్కువగా తీసుకొంటే శరీరం చల్లబడుతుంది. వేపుళ్లు, స్వీట్లు, అలాగే శరీరంలో వేడిని పెంచే మసాలాలు తగ్గించడం మేలు.
- చర్మాన్ని పొడిగా ఉంచడానికి ప్రయత్నించండి. స్నానం చేసిన వెంటనే శుభ్రంగా తుడుచుకొంటే బాక్టీరియా చేరదు. ప్రింక్లీ హీట్ పౌడర్ వాడడం వల్ల చెమటకాయలు రాకుండా జాగ్రత్త పడవచ్చు.