ఆరోగ్య సేతు సోర్స్ కోడ్ విడుదల
ABN , First Publish Date - 2020-05-27T08:05:14+05:30 IST
ఎట్టకేలకు కేంద్ర ప్రభుత్వం ఆరోగ్య సేతు యాప్ అండ్రాయిడ్ సోర్స్ కోడ్ను అందుబాటులోకి తెచ్చింది.
న్యూఢిల్లీ మే 26: ఎట్టకేలకు కేంద్ర ప్రభుత్వం ఆరోగ్య సేతు యాప్ అండ్రాయిడ్ సోర్స్ కోడ్ను అందుబాటులోకి తెచ్చింది. ఈ కోడ్ను మంగళ వారం నీతిఆయోగ్ సీఈఓ అమితాబ్ కాంత్ విడుదల చేశారు. ఐఓఎస్ వెర్షన్ను కూడా త్వరలో విడుదల చేస్తామని ఆయన చెప్పారు. 100 మిలియన్ల డౌన్లోడ్ల తరవాత వెలువరించిన ఈ కోడ్ను గిట్హబ్ వెబ్సైట్ నుంచి పొందొచ్చు. ఆరోగ్య సేతు యాప్లోని బగ్స్, లోపాలను గుర్తించడం, మరింత మెరుగుపరచడానికి సూచనలు ఇచ్చేందుకు ఒక కార్యక్రమాన్ని ప్రకటించింది. ఈ కార్యక్రమం ద్వారా రూ. లక్ష వరకు నగదు బహుమతులు ఇస్తామని ఆ సంస్థ సీఈఓ అభిషేక్ సింగ్ ప్రకటించారు.