Advertisement
Advertisement
Abn logo
Advertisement
Sep 14 2021 @ 14:29PM

జీవిత ఖైదుపై సుప్రీంకోర్టు వివరణ

న్యూఢిల్లీ : జీవిత ఖైదు అంటే సాధారణ జైలు శిక్ష కాదని, కఠిన కారాగారవాసమని సుప్రీంకోర్టు మంగళవారం తెలిపింది. ఈ విషయంలో చట్టం వైఖరిని పునఃపరిశీలించవలసిన అవసరం లేదని స్పష్టం చేసింది. హిమాచల్ ప్రదేశ్ హైకోర్టు, గౌహతి హైకోర్టు ఇచ్చిన తీర్పులపై దాఖలైన రెండు అపీళ్ళ విచారణ సందర్భంగా జస్టిస్ ఎల్ నాగేశ్వర రావు, జస్టిస్ బీఆర్ గవాయ్ ధర్మాసనం ఈ వివరణ ఇచ్చింది. 


ఈ సందర్భంగా నాయిబ్ సింగ్ వర్సెస్ పంజాబ్ ప్రభుత్వం కేసులో 1983లో వచ్చిన తీర్పును సుప్రీంకోర్టు ప్రస్తావించింది. శిక్ష స్వభావం గురించి వివరించే తీర్పులకు కొరత లేదని తెలిపింది. జీవిత ఖైదు అంటే కఠిన జీవిత ఖైదుతో సమానమని పరిగణించాలని నాయిబ్ సింగ్ కేసులో తీర్పు స్పష్టం చేస్తోందని పేర్కొంది. ఈ తీర్పును 1992లో కూడా వేరొక కేసులో సుప్రీంకోర్టు సమర్థించిందని తెలిపింది. ఈ విషయాన్ని విస్తృత ధర్మాసనానికి నివేదించలేదని కూడా పేర్కొంది. ఈ రెండు అపీళ్ళను తోసిపుచ్చింది.


Advertisement
Advertisement