Tokyo Olympics: డోపింగ్‌లో దొరికిపోయిన స్విస్ హర్డ్‌లర్

టోక్యో: 400 మీటర్ల స్విస్ హర్డ్‌లర్ కరీం హుస్సేన్ డోపింగ్ టెస్టులో దొరికిపోయి 9 నెలల నిషేధానికి గురయ్యాడు. ఫలితంగా అతడి టోక్యో ఒలింపిక్స్ కల చెదిరిపోయింది. డోపింగ్‌ పరీక్షల్లో దొరికిపోయిన కరీంపై ఒలింపిక్ కమిటీ 9 నెలల నిషేధం విధించింది.

32 ఏళ్ల కరీం 2014లో జరిగిన యూరోపియన్ చాంపియన్‌షిప్స్‌ విజేతగా నిలిచాడు. తాజాగా నిషేధిత ఉత్ర్ర్పేరకం వాడి నిషేధానికి గురయ్యాడు. యాంటీ డోపింగ్ స్విట్జర్లాండ్ అభ్యర్థన మేరకు స్విస్ ఒలింపిక్ డిసిప్లినరీ చాంబర్ కరీంపై 9 నెలల నిషేధం విధించినట్టు ఒలింపిక్ కమిటీ తెలిపింది. జులై 16 నుంచి నిషేధం అమల్లోకి వస్తుందని పేర్కొంది.

నిషేధం అనంతరం హుస్సేన్ ట్వీట్ చేస్తూ.. తన టోక్యో ఒలింపిక్స్ కల చెదిరిపోయిందని ఆవేదన వ్యక్తం చేశాడు. తాను 9 నెలల నిషేధానికి గురయ్యానని పేర్కొన్నాడు. తాను తప్పు చేశానని, తనను క్షమించాలని వేడుకున్నాడు.