Abn logo
Jan 18 2021 @ 02:06AM

టీమ్‌ బైడెన్‌.. భారతీయుల డెన్‌

20 మంది ఇండియన్లకు కీలక పదవులు

అగ్రరాజ్య చరిత్రలో ఇదే తొలిసారి


స్పీచ్‌ డైరెక్టర్‌ వినయ్‌ రెడ్డి.. బైడెన్‌ వెలువరించే ప్రసంగాలన్నింటినీ పకడ్బందీగా రాసే బాధ్యత ఈయనది. స్పీచ్‌ డైరెక్టర్‌గా బైడెన్‌ ఆయనను నియమించారు.


వాషింగ్టన్‌, జనవరి 17: మరో రెండ్రోజుల్లో కొలువుదీరనున్న జో బైడెన్‌ ప్రభుత్వం అనేక అంశాల్లో విశిష్టత సంతరించుకోబోతోంది. వీటిలో ఒకటి పెద్ద సంఖ్యలో భారత సంతతి వ్యక్తులు శ్వేతసౌధంలో, కీలక ప్రభుత్వ పదవుల్లో నియమితులు కావడం. అమెరికా చరిత్రలోనే తొలిసారిగా 20 మంది భారతీయ-అమెరికన్లు బైడెన్‌ బృందం లో ముఖ్యమైన బాధ్యతలు నిర్వర్తించనున్నారు. ఉపాధ్యక్షురాలిగా ఎన్నికైన కమలా హారిస్‌ భారతీయ మూలాలున్నవారే. ఆమెనే కాక- తాను అధ్యక్షుడిగా ఎన్నికైతే భారతీయ సంతతికి చెం దిన ప్రముఖులను తన బృందంలోకి తీసుకుంటానని బైడెన్‌ గతంలోనే వెల్లడించారు. అగ్రశ్రేణి పదవులకు ఎంపికైన ప్రముఖుల్లో నీరా టాండన్‌ ఒకరు. ఈమె ఆఫీస్‌ ఆఫ్‌ మేనేజ్‌మెంట్‌ ఆఫ్‌ బడ్జెట్‌ డైరెక్టర్‌గా నియమితులయ్యారు. 1988 నుంచి 2016 దాకా ప్రతీ డెమొక్రాట్‌ అధ్యక్ష అభ్యర్థి ప్రచారంలోనూ ఆమెది కీలకపాత్ర. డెమొక్రాట్‌ ప్రభుత్వాల్లో విధానపరమైన సలహాదారుగా కేపిటల్‌  హిల్‌లో పనిచేసిన విశేషానుభవం ఉన్న వ్యక్తి. ఇక బైడెన్‌ ఎంపిక చేసుకున్న వ్యక్తి డాక్టర్‌ వివేక్‌ మూర్తి. అమెరికా సర్జన్‌ జనరల్‌గా నియమితులవుతున్నారు. ఆరోగ్యరంగ నిపుణుడిగా ఆయన వ్యాక్సినేషన్‌ విషయంలో దిశానిర్దేశం చేయనున్నారు. అలాగే కొవిడ్‌ టెస్టింగ్‌ వి భాగం వ్యవహారాలను చూసే  బాధ్యతను డాక్టర్‌ విదుర్‌ శర్మకు అప్పగించారు. బైడెన్‌ వెలువరించే ప్రసంగాలన్నింటినీ పకడ్బందీగా రాసే బాధ్యత వినయ్‌రెడ్డిది. స్పీచ్‌ డైరెక్టర్‌గా ఆయన నియమితులయ్యారు. అధ్యక్ష సిబ్బంది కార్యాలయ డిప్యూ టీ డైరెక్టర్‌గా గౌతమ్‌ రాఘవన్‌ ఎంపికయ్యారు.


బైడెన్‌ టీమ్‌లో ఇతర భారతీయులు

వేదాంత్‌ పటేల్‌ అధ్యక్షుడికి సహాయ ప్రెస్‌ సెక్రటరీ

సబ్రీనా సింగ్‌    డిప్యూటీ ప్రెస్‌ సెక్రటరీ, వైట్‌హౌస్‌

వనితా గుప్తా అదనపు అటార్నీ జనరల్‌

ఉజ్రా జెయా  అండర్‌ సెక్రటరీ, పౌర భద్రత, మానవహక్కులు

మాలా అడిగా ప్రథమ మహిళ జిల్‌ బైడెన్‌కు విధాన సలహాదారు, డైరెక్టర్‌

గరిమా వర్మ ప్రఽథమ మహిళకు డిజిటల్‌ డైరెక్టర్‌

అయిషా షా  పార్ట్‌నర్‌షిప్‌ మేనేజర్‌, వైట్‌హౌస్‌ డిజిటల్‌ స్ట్రాటజీ

సమీరా ఫజిలీ డిప్యూటీ డైరెక్టర్‌, అమెరికా నేషనల్‌ ఎకనామిక్‌ కౌన్సిల్‌

భరత్‌ రామమూర్తి డిప్యూటీ డైరెక్టర్‌, నేషనల్‌ ఎకనమిక్‌ కౌన్సిల్‌

తరుణ్‌ ఛాబ్రా  సీనియర్‌ డైరెక్టర్‌, టెక్నాలజీ, నేషనల్‌ సెక్యూరిటీ

సుమోనా గుహా దక్షిణాసియా వ్యవహారాల సీనియర్‌ డైరెక్టర్‌ 

శాంతి కళాథిల్‌    ప్రజాస్వామ్యం, మానవహక్కుల విభాగాల సమన్వయకర్త

సోనియా అగర్వాల్‌ పర్యావరణ విధాన సీనియర్‌ సలహాదారు

నేహా గుప్తా        వైట్‌హౌస్‌ న్యాయవాద బృందంలో అదనపు సీనియర్‌ కౌన్సెల్‌ 

రీమా షా          డిప్యూటీ అసోసియేట్‌ కౌన్సెల్‌ 

Advertisement
Advertisement
Advertisement