Abn logo
Jun 17 2021 @ 16:33PM

ఆస్ట్రేలియాలో... అరవై దాటిన వారికే... ఆ వ్యాక్సిన్... కాన్‌బె

కాన్‌బెర్రా : కరోనాను ఎదుర్కొనే క్రమంలో... ఆక్స్‌ఫర్డ్ యూనివర్సిటీ తయారు చేసిన కోవిషీల్డ్ వ్యాక్సిన్‌ను 60  ఏళ్లు పైబడిన వారికి మాత్రమే ఆస్ట్రేలియా పరిమితం చేసింది. ఈ మేరకు తాజా మార్గదర్శకాలు జారీ అయ్యాయి.  ఆస్ట్రేలియాలో ఇప్పటివరకు ముప్ఫై లక్షల పైచిలుకు ఆస్ట్రాజెనెకా టీకా డోసులను వేశారు. ఈ క్రమంలో 60 మందిలో రక్తం గడ్డకట్టిన కేసులు వెలుగులోకి వచ్చాయి. వీరిలో ఇద్దరు మృతి చెందినట్లు కూడా వినవస్తోంది. ఈ టీకా తీసుకున్న అనంతరం ఇటీవల 52 ఏళ్ల మహిళకు మెదడులో రక్తం గడ్డకట్టి ప్రాణాలు కోల్పోయింది.


ఇక... ఏప్రిల్ లో 42 ఏళ్ల మహిళ మృతిచెందిన విషయం తెలిసిందే. ఆస్ట్రాజెనెకా వ్యాక్సిన్ ను 50-60 ఏళ్ళ పైబడిన వారికి సిఫారసు చేసినట్లు ఆరోగ్య మంత్రి గ్రెగ్ హంట్ వెల్లడించారు. అయితే 60  ఏళ్ళకన్నా తక్కువ వయస్సు ఉన్న వారికి ఫైజర్ వ్యాక్సిన్ వేయాలని ప్రభుత్వం మార్గదర్శకాలను విడుదల చేసింది.