మిద్దెపై నుంచి దూకి బాలుడి మృతి
ABN , First Publish Date - 2021-08-03T06:57:33+05:30 IST
కోతుల నుంచి తప్పించుకునే క్రమంలో మిద్దెపై నుంచి దూకడంతో పునీత్‌ (12) మృతిచెందాడు.
చంద్రగిరి, ఆగస్టు 2: కోతుల నుంచి తప్పించుకునే క్రమంలో మిద్దెపై నుంచి దూకడంతో పునీత్‌ (12) మృతిచెందాడు. ఈ విషాద ఘటన చంద్రగిరి మండలం పనపాకం పేటలో సోమవారం చోటుచేసుకుంది. మిద్దెపై ఇద్దరు పిల్లలు అడుకుంటుండగా, వీరి వద్దనున్న తిండి పదార్థాలను కోతులు ఎత్తుకెళ్లాయి. దీంతో ఇద్దరూ కట్టెలు తీసుకొని కోతులను తరిమేందుకు ప్రయత్నించారు. ఈ క్రమంలో కోతులు తిరగబడి పిల్లల వెంట పడ్డాయి. భయంతో వీటి నుంచి తప్పించుకునే క్రమంలో ఒకరు మెట్ల గుండా కిందికి దిగిపోగా, పునీత్‌ మిద్డెపై నుంచి కిందకు దూకాడు. దీంతో అక్కడికక్కడే మృతి చెందాడు. బాలుడి మృతితో పనపాకంపేటలో విషాదం నెలకొంది.
