Abn logo
Oct 17 2021 @ 00:56AM

కేంద్ర ప్రభుత్వం మొండి వైఖరి విడనాడాలి

రిలే నిరాహార దీక్షలో పాల్గొన్న ఉద్యోగులు

ఉక్కు పరిరక్షణ పోరాట కమిటీ నాయకుడు వరసాల శ్రీనివాసరావు

కూర్మన్నపాలెం, అక్టోబరు 16: విశాఖ ఉక్కు కర్మాగారాన్ని ప్రభుత్వ రంగంలో కొనసాగిస్తున్నట్టు కేంద్ర ప్రభుత్వం ప్రకటించేవరకు ఆందోళనలు కొనసాగిస్తామని ఉక్కు పరిరక్షణ పోరాట కమిటీ నాయకుడు వరసాల శ్రీనివాసరావు అన్నారు. కూర్మన్నపాలెంలో ఉక్కు ఉద్యోగులు చేపట్టిన రిలే నిరాహార దీక్షలు 247వ రోజు కొనసాగాయి. శనివారం ఈ దీక్షలలో పాల్గొన్న కార్మికులనుద్దేశించి శ్రీనివాసరావు మాట్లాడుతూ కేంద్ర ప్రభుత్వం మొండి వైఖరిని విడనాడాలని కోరారు. ఉక్కు పరిరక్షణ పోరాట కమిటీ చైర్మన్‌ డి.ఆదినారాయణ మాట్లాడుతూ ఈ నెల 19 నాటికి 250 రోజులు ఉద్యమం పూర్తవుతున్న నేపథ్యంలో 250 మంది కార్మికులతో 25 గంటలు పాటు నిరాహార దీక్ష చేస్తామన్నారు.  ఈ శిబిరంలో ఉక్కు పరిరక్షణ పోరాట కమిటీ నాయకులు మంత్రి రాజశేఖర్‌, గంధం వెంకటరావు, కె.సత్యనారాయణ, నీరుకొండ రామచంద్రరావు, గంగవరం గోపి, వేములపాటి ప్రసాద్‌ తదితరులు పాల్గొన్నారు.