మాస్క్ మాల‌లతో మంత్రికి స్వాగ‌తం.... శానిటైజ‌ర్ల పంపిణీ!

గ్వాలియ‌ర్‌: మ‌ధ్య‌ప్ర‌దేశ్‌లో బీజెపీ ప్రభుత్వ క్యాబినెట్ మంత్రి ప్రద్యుమాన్ సింగ్ తోమర్ తొలిసారిగా గ్వాలియ‌ర్ ప‌ర్య‌ట‌న‌కు వ‌చ్చారు. ఈ సంద‌ర్భంగా అక్క‌డి నేత‌లు, కార్య‌క‌ర్త‌లు అత‌నికి మాస్క్ మాల‌ల‌తో స్వాగతం ప‌లికారు. ఈ సంద‌ర్భంగా మంత్రి మ‌ద్ద‌తుదారులు అక్క‌డికి వ‌చ్చిన ప్ర‌జ‌ల‌కు మాస్క్‌ల‌ను, శానిటైజ‌ర్ల‌ను పంపిణీ చేశారు. త‌రువాత మంత్రి  ప్రద్యుమాన్ సింగ్ దివంగత మాధవరావు సింధియా విగ్రహానికి పూల‌మాల వేశారు. అంతకుముందు గాంధీ సర్క్యూట్ రోడ్ హౌస్‌కు చేరుకుని సింధియా మద్దతుదారులను కలిశారు. ఈ సంద‌ర్భంగా స్థానికంగా ఉన్న కొంతమంది తల్లిదండ్రులు... విద్యార్థుల ఫీజుల విష‌యంలో ప్రైవేటు పాఠశాలలు చేస్తున్న‌ ఒత్తిడిపై మంత్రికి ఫిర్యాదు చేశారు. ప్ర‌స్తుతం అంద‌రి ఆర్థిక ప‌రిస్థితులు కుదేల‌య్యాయ‌ని, ఇటువంటి  ప‌రిస్థితిలో త‌మ పిల్ల‌ల స్కూలు ఫీజుల క‌ట్ట‌లేమ‌ని మంత్రికి మొర‌పెట్టుకున్నారు.