Abn logo
Apr 9 2021 @ 00:20AM

రూపాయి బేర్‌..

వచ్చే 3 నెలల్లో రూ.76.5 స్థాయికి చేరే చాన్స్‌!


ముంబై: అమెరికా డాలర్‌తో రూపాయి మార కంరేటు రోజు రోజకు పడిపోతోంది. బుధవారం భారీగా నష్టపోయిన రూపాయి గురువారం మరో 11 పైసలు నష్టపోయి రూ.74.58 వద్ద ముగిసింది. గత ఐదు నెలల్లో డాలర్‌తో రూపాయి మారకం రేటు ఇంత కనిష్ఠ స్థాయిలో ముగియడం ఇదే మొదటిసారి. బుధవారం  105 పైసలు నష్టపోయిన రూపాయి గురువారం ఇంట్రాడేలో ఒక దశలో కొద్దిగా లాభాలతో ట్రేడైంది. అయితే విస్తరిస్తున్న కొవిడ్‌ కేసులు ఆర్థిక రికవరీకి బ్రేకులేసే ప్రమాదం ఉందన్న ఆందోళనతో మళ్లీ నష్టాల బాట పట్టింది. 


వచ్చే మూడు నెలల్లో మార్కెట్‌ నుంచి రూ.లక్ష కోట్ల విలువైన ప్రభుత్వ రుణ పత్రాలు కొంటామని ఆర్‌బీఐ ప్రకటించడం కూడా సెంటిమెంట్‌ను దెబ్బతీసింది. మరోవైపు వచ్చే రెండు మూడు నెలల్లో డాలర్‌తో రూపాయి మారకం రేటు రూ.76.5 స్థాయికి కూడా క్షీణించే ప్రమాదం ఉందని విశ్లేషకులు వేస్తున్నారు. 

Advertisement
Advertisement
Advertisement