Abn logo
Oct 7 2021 @ 00:00AM

ఇదే ప్రమాదకరం!

ప్రపంచంలో అత్యంత ప్రాణాంతకమైనది ఏదో చెప్పండి. పులి, సింహం, షార్క్‌... ఇలాంటి పేర్లు చెబితే మాత్రం మీరు పొరబడినట్టే! ఎందుకంటే అన్నింటికన్నా డేంజరస్‌ దోమ. ఈ విషయాన్ని ప్రపంచ ఆరోగ్య సంస్థ సైతం ధృవీకరించింది. దోమల వల్ల వచ్చే మలేరియా, డెంగ్యూ, యెల్లో ఫీవర్‌, చికున్‌గున్యా వంటి వ్యాధుల గురించి మీకు తెలిసిందే! దోమ కాటు వల్ల ఏటా 7 లక్షలకు పైగా జనం చనిపోతున్నారట. మరే జంతువు వల్ల ఏటా ఇంతమంది చనిపోవడం లేదట. ప్రపంచంలో ఏ మూలకు వెళ్లినా దోమ మీకు కనిపిస్తుంది. దోమ జంతువు కాకపోయినా జంతురాజ్యంలోని ఒక కీటకం. మనిషికి ప్రమాదం పొంచి ఉంది దోమల వల్లే అని అనడంలో సందేహం లేదు కదూ!