పిల్లలను బెదిరిస్తున్నారా?
ABN , First Publish Date - 2021-04-10T05:30:00+05:30 IST
ఏదో ఒక సందర్భంలో పిల్లలను బెదిరించని తల్లితండ్రులు ఉండరు. ఆ బెదిరింపు చిన్నదైనా, పెద్దదైనా దాంతో లాభం కంటే నష్టాలే ఎక్కువ. అవేంటంటే...
ఏదో ఒక సందర్భంలో పిల్లలను బెదిరించని తల్లితండ్రులు ఉండరు. ఆ బెదిరింపు చిన్నదైనా, పెద్దదైనా దాంతో లాభం కంటే నష్టాలే ఎక్కువ. అవేంటంటే...
- పిల్లలు పెద్దల అదుపాజ్ఞల్లో ఉన్నప్పుడే బెదిరింపులు పని చేస్తాయి. ఒకసారి పిల్లలు ఇండిపెండెంట్గా తయారయితే, ఆ బెదిరింపులు వారి మీద ఎటువంటి ప్రభావాన్నీ చూపలేవు.
- బెదిరింపులు దీర్ఘకాలంలో తల్లితండ్రులు పిల్లలకూ మధ్య అనుబంధాన్ని పలుచన చేస్తాయి.
- పరిమితి దాటిన తర్వాత బెదిరింపులు విలువ కోల్పోతాయి. ప్రతి చిన్న విషయానికీ బెదిరిస్తూ పోతే, పిల్లలు వాటిని లక్ష్య పెట్టని పరిస్థితి వస్తుంది.
- ప్రత్నామ్నాయాలు ఇవే! - ‘పాఠం నేర్చుకోకపోతే, వీపు పగులుతుంది’ అని బెదిరించే బదులు, ‘నచ్చిన
- బ్రేక్ఫాస్ట్ చేసి పెడతాను’ అనవచ్చు. ఇలా పాజిటివ్గా పిల్లలను ప్రేరేపించడం నేర్చుకోవాలి.
- పిల్లల పనుల్లో తప్పులు దొర్లడం సహజం. ఆ తప్పుల నుంచే నేర్చుకుంటారు. కాబట్టి ‘తప్పు దొర్లితే నీ భరతం పడతా!’ అని బెదిరించే బదులు ‘తప్పు దొర్లకుండా పని చేయడానికి ప్రయత్నించు, నువ్వు చేయగలవు’... అంటూ వారిని ప్రోత్సహించాలి.
- కొన్ని పనుల్లో పిల్లలకు పెద్దల సహాయం అవసరం పడవచ్చు. అలాంటి సందర్భాల్లో ‘ఇది నీ పని, నువ్వే చేయాలి’ అనే ధోరణిలో ఆధిపత్యం
- చెలాయించకుండా... ‘మనం కలిసి ముగిద్దాం’ అంటూ ఎంతోకొంత సహాయపడాలి.