షుగర్‌ లెవెల్స్‌ నియంత్రణలో ఉండాలంటే...!
ABN , First Publish Date - 2020-09-21T05:30:00+05:30 IST
రక్తంలో చక్కెర స్థాయిలను నియంత్రణలో ఉంచుకోవడం మధుమేహులకు చాలా అవసరం. షుగర్‌ లెవెల్స్‌ నియంత్రణలో ఉండాలంటే వ్యాయామం తప్పననిసరి...
రక్తంలో చక్కెర స్థాయిలను నియంత్రణలో ఉంచుకోవడం మధుమేహులకు చాలా అవసరం. షుగర్‌ లెవెల్స్‌ నియంత్రణలో ఉండాలంటే వ్యాయామం తప్పననిసరి.
- రోజూ క్రమంతప్పకుండా వాకింగ్‌ చేయడం వల్ల షుగర్‌ లెవెల్స్‌ కంట్రోల్‌లో ఉంటాయి. అన్నింటికన్నా మంచి వ్యాయామం ఇది. ముఖ్యంగా మధుమేహులు వాకింగ్‌ చేయడం అలవాటుగా చేసుకోవాలి.
- యోగా చేయడం వల్ల అనేక ప్రయోజనాలు చేకూరతాయి. ఇన్సులిన్‌ రెసిస్టెన్స్‌ రాకుండా చూడటంలో యోగా సహాయపడుతుంది. నరాల పనితీరు మెరుగుపడుతుంది. ఒత్తిడి ఎక్కువగా ఉన్న రక్తంలో షుగర్‌ లెవెల్స్‌ కూడా పెరుగుతాయి. యోగా వల్ల ఒత్తిడి దూరమవుతుంది.
- శరీరంలోని అన్ని అవయవాలపైన ఒత్తిడి పడాలంటే ఈత కొట్టడం ఒక్కటే మార్గం. కొవ్వు కరగడానికి, మంచి వ్యాయామం చేసిన ఫలితాలు పొందడానికి ఈత ఉపయోగపడుతుంది.
- ఇంట్లో మ్యూజిక్‌ పెట్టుకుని కాసేపు డ్యాన్స్‌ చేయడం వల్ల కూడా మంచి ఫలితం ఉంటుంది. డ్యాన్స్‌ వల్ల ఒత్తిడి తొలగిపోతుంది. షుగర్‌ లెవెల్స్‌ నియంత్రణలో ఉంటాయి.
- వయస్సుతో సంబంధం లేకుండా అందరూ సైకిల్‌ తొక్కొచ్చు. సైకిల్‌ తొక్కడం వల్ల క్యాలరీలు ఖర్చవుతాయి. రక్తసరఫరా మెరుగుపడుతుంది. బ్లడ్‌ షుగర్‌ లెవెల్స్‌ కంట్రోల్‌లో ఉంటాయి.
Updated Date - 2020-09-21T05:30:00+05:30 IST
