చేతకానితనం కప్పి పుచ్చుకునేందుకే..
ABN , First Publish Date - 2021-05-08T05:44:25+05:30 IST
కరోనాను నియంత్రించలేని చేతకానితనంతోనే టీడీపీ అధినేత చంద్రబాబునాయుడుపై అక్రమంగా కేసులు నమోదు చేశారని టీడీపీ పొలిట్ బ్యూరో సభ్యుడు, ఎమ్మెల్సీ ఎన్ఎండీ ఫరూక్ అన్నారు.
చంద్రబాబుపై అక్రమ కేసు నమోదు: టీడీపీ పొలిట్ బ్యూరో సభ్యుడు ఫరూక్
నంద్యాల
(ఎడ్యుకేషన్), మే 7: కరోనాను నియంత్రించలేని చేతకానితనంతోనే టీడీపీ
అధినేత చంద్రబాబునాయుడుపై అక్రమంగా కేసులు నమోదు చేశారని టీడీపీ పొలిట్
బ్యూరో సభ్యుడు, ఎమ్మెల్సీ ఎన్ఎండీ ఫరూక్ అన్నారు. శుక్రవారం నంద్యాలలో
ఆయన మాట్లాడుతూ కరోనాపై ప్రజలు అప్రమత్తంగా ఉండాలన్న చంద్రబాబు సూచనపై కూడా
కేసు నమోదు చేయడం ప్రజాస్వామ్య విలువలకు తూట్లు పొడిచినట్లేనన్నారు.
సామాన్య ప్రజలకు కరోనా వైద్యాన్ని అందించలేని ప్రభుత్వం సూచనలు చేస్తున్న
వారిపై పథకం ప్రకారం కేసులు బనాయిస్తోందన్నారు. అక్రమ కేసులకు భయపడేది
లేదని, ప్రజల పక్షాన పోరాటం కొనసాగిస్తామని అన్నారు.