ఆ గదిలో ఉండాలంటే..!

ఆ ఇంటి గదిలో ఒక రాత్రి ఉండాలన్నా, బాల్కనీలో కూర్చుని కాఫీ తాగాలన్నా గుండె ధైర్యం చాలా కావాలి. ఎందుకో తెలుసా? అది కొండ అంచున వేలాడుతున్న ఇల్లు. పూర్తిగా కర్రతో నిర్మించినది. ఒక కొండ చివరన తీగలతో వేలాడదీసిన ఆ ఇల్లు సాహస ప్రియులకు టూరిస్ట్‌ స్పాట్‌గా నిలుస్తోంది. 

1. కొలంబియాలోని ఆంటియోక్వియా ప్రాంతంలోని అబెజొరాల్‌ గ్రామ సమీపంలో ఈ నిర్మాణం ఉంది. అడ్వెంచర్స్‌ను ఇష్టపడే వారు ఈ ఇంటిలో గడిపేందుకు ఆసక్తి చూపుతుంటారు.
   
2. పూర్తిగా కర్రతో నిర్మితమైన ఈ గది వైర్ల సహాయంతో భూమికి 30 మీటర్ల ఎత్తులో వేలాడదీశారు.
   
3. ఆ మార్గంలో కేబుల్‌ వే కూడా ఉంది. తీగకు ఊయలలా ఏర్పాటు చేసి, కొక్కాలు బిగించి ఉంటాయి. కేబుల్‌ వే ద్వారా ప్రయాణం చేస్తూ వేలాడే హోటల్‌ గదులను చూడొచ్చు.