కరోనా దెబ్బతో ట్రంప్‌కు భారీ నష్టం!

వాషింగ్టన్: కరోనా మహమ్మారి దెబ్బతో ప్రపంచంలోని అనేక మంది అపర కుబేరులు సంపద ఆవిరైపోయింది. తాజాగా ఆ లిస్టులోకి అమెరికా అధ్యక్షుడు డోనాల్డ్ ట్రంప్ కూడా వచ్చి చేరారు. కరోనా దెబ్బతో షాపింగ్ మాల్స్, హోటళ్లు మూతపడటంతో ట్రంప్ సంపదలో దాదాపు ఒక బిలియన డాలర్లు( దాదాపు 7500 కోట్లు) తుడిచి పెట్టుకుపోయాయట. మార్చి 1 నాటికి ట్రంప్ వద్ద ఉన్న సంపద విలువ 3.1 బిలియన్ డాలర్లు కాగా.. మార్చి 18 కల్లా ఆ విలువ 2.1 బిలియన్ డాలర్లకు పడిపోయింది. రియల్ ఎస్టేట్ కుప్పకూలడం, హోటళ్లు, గోల్ఫో కోర్సుల ద్వారా వచ్చే ఆదాయం తగ్గడమే ఈ పరిస్థితికి కారణమని ఫోర్బ్స్ పత్రిక వెల్లడించింది.