రెండు థెరపీలూ సురక్షితమే
ABN , First Publish Date - 2021-08-04T13:55:46+05:30 IST
గుండె మార్పిడి లేదా ఎల్వీఏడీ ఇంప్లాంట్.. రెండు థెరపీలూ సురక్షితమైనవేనని, మూత్రపిండాలు లేదా లివర్ మార్పిడి తరువాత ఎలా జీవిస్తున్నారో అలాగే ఈ థెరపీ తరువాత కూడా సాధారణ జీవితం కొ
- కార్డియాలజిస్టు రవికుమార్
చెన్నై: గుండె మార్పిడి లేదా ఎల్వీఏడీ ఇంప్లాంట్.. రెండు థెరపీలూ సురక్షితమైనవేనని, మూత్రపిండాలు లేదా లివర్ మార్పిడి తరువాత ఎలా జీవిస్తున్నారో అలాగే ఈ థెరపీ తరువాత కూడా సాధారణ జీవితం కొనసాగించవచ్చని ఎంజీఎంకు చెందిన ప్రముఖ కార్డియాలజిస్ట్ డాక్టర్ ఆర్.రవికుమార్ పేర్కొన్నారు. మంగళవారం ఆయన విలేఖరులతో మాట్లాడుతూ.. మందులు పని చేయనప్పుడు గుండె సరిగ్గా పనిచేసేందుకు గుండె మార్పిడి, గుండె సహాయ పంపులు, ఎల్వీ సహాయక పరికరాల అమరిక మాత్రమే చికిత్స అని వివరించారు. నిరంతరం శ్వాస తీసుకోవడంలో ఇబ్బంది లేదా రాత్రి సమయంలో దగ్గు ఎక్కువగా ఉండడం, ఎకో స్కాన్లో ఈఎఫ్ 30 శాతం కంటే తక్కువగా వున్నప్పుడు, కాళ్లలో ఎల్లప్పుడూ వాపు లేదా ఎల్లప్పుడూ అలసటగా ఉండడం వంటి సందర్భాలలో గుండె మార్పిడి లేదా ఎల్వీఏడీ అవసరం కావచ్చన్నారు. రోగికి విజయవంతంగా గుండెమార్పిడి లేదా ఎల్వీఏడీ అయిన తరువాత.. సాధారణ చురుకైన జీవితాన్ని గడుపుతాడన్నారు. అయితే తమలాంటి అనుభవజ్ఞులైన వైద్యులు, మంచి ఫలితాలను సాధిం చిన వైద్యకేంద్రాలను మాత్రమే రోగి ఎంచుకోవాలని డాక్టర్ రవికుమార్ సూచించారు.