Abn logo
Oct 28 2020 @ 06:56AM

పెళ్లి ప్రతిపాదన అడ్డుకున్నాడని యువకుడు ఏం చేశాడంటే...

Kaakateeya

కన్నూర్ (కేరళ): తన వివాహ ప్రతిపాదనను అడ్డుకున్నాడనే కోపంతో జేసీబీతో అతని దుకాణాన్ని కూల్చివేసిన ఘటన కేరళ రాష్ట్రంలోని కన్నూర్ జిల్లా చెరువుళ ప్రాంతంలో వెలుగుచూసింది. అల్బిన్ అనే 30 ఏళ్ల యువకుడు పెళ్లి చేసుకునేందుకు సంబంధాలు చూస్తున్నాడు. తన పొరుగింటి వ్యక్తి అయిన ఓ దుకాణాదారు అల్బిన్ పెళ్లి సంబంధాలను అడ్డుకుంటున్నాడు.దీంతో ఆగ్రహించిన అల్బిన్ తనకు వచ్చిన పెళ్లి ప్రతిపాదనలకు అడ్డుగా ఉన్న దుకాణాదారు షాపును జేసీబీతో ధ్వంసం కూల్చివేశాడు. దుకాణం కూల్చివేసే ముందు అందులో చట్టవిరుద్ధమైన జూదం, అక్రమ మద్యం వ్యాపారం సాగుతుందని వీడియోను చిత్రీకరించి దాన్ని సోషల్ మీడియాలో పోస్టు చేశాడు. 

అక్రమ కార్యకలాపాల గురించి తాను పోలీసులకు ఫిర్యాదు చేసినా వారు ఎలాంటి చర్యలు తీసుకోనందున తాను ఈ దుకాణాన్ని జేసీబీతో కూల్చివేశానని అల్బిన్ చెప్పాడు. పృథ్వీరాజ్, బిజూమీనన్ నటించిన ‘అయ్యప్పనమ్ కోషియం’ సినిమా సన్నివేశం చూసి ఈ చర్యకు పాల్పడ్డాడని దర్యాప్తులో తేలింది. తన పెళ్లి ప్రతిపాదనను అడ్డుకున్నాడని అల్బిన్ పోలీసులకు స్టేట్ మెంట్ ఇచ్చారు. జేసీబీతో దుకాణం కూల్చివేసిన అల్బిన్ ను పోలీసులు అరెస్టు చేసి జైలుకు పంపించారు.

Advertisement
Advertisement