US: మళ్లీ పెరిగిన నిరుద్యోగ భృతి దరఖాస్తులు

వాషింగ్టన్: అగ్రరాజ్యం అమెరికాలో నిరుద్యోగ భృతి కోసం మరోసారి దరఖాస్తులు పెరిగినట్లు ఆ దేశానికి చెందిన కార్మిక శాఖ గురువారం వెల్లడించింది. రెండు నెలల కింద 3,68,000గా ఉన్న నిరుద్యోగ భృతుల సంఖ్య గత రెండు వారాల్లో ఏకంగా 4,19,000కు చేరిందని లేబర్ డిపార్ట్‌మెంట్ పేర్కొంది. దేశంలో కరోనా పరిస్థితులు అదుపులోకి వచ్చి, ఉపాధి అవకాశాలు పెరిగిన తర్వాత కూడా నిరుద్యోగ భృతి కోసం దరఖాస్తు చేసుకున్న వారి సంఖ్య పెరగడం గమనార్హం. మిచిగాన్, టెక్సాస్ రాష్ట్రాల్లోనే గడిచిన రెండు వారాల్లో ఎక్కువ మంది నిరుద్యోగ భృతి కోసం దరఖాస్తు చేసుకున్నట్లు కార్మిక శాఖ అధికారులు వెల్లడించారు.