పార్టీకి పిలవలేదనే.. అమెరికా కాల్పుల కేసులో షాకింగ్ నిజం!
ABN , First Publish Date - 2021-05-13T02:20:42+05:30 IST
కొన్ని రోజుల క్రితం అగ్రరాజ్యం అమెరికాలో ఒక ఘోరం జరిగింది. ఒక వ్యక్తి తన గర్ల్ఫ్రెండ్ కుటుంబం ఇస్తున్న పార్టీకి వెళ్లిన ప్రియుడు తుపాకీతో వీరంగం చేశాడు. ప్రియురాలు సహా ఆరుగురిని కాల్చి చంపాడు.
వాషింగ్టన్: కొన్ని రోజుల క్రితం అగ్రరాజ్యం అమెరికాలో ఒక ఘోరం జరిగింది. ఒక వ్యక్తి తన గర్ల్ఫ్రెండ్ కుటుంబం ఇస్తున్న పార్టీకి వెళ్లిన ప్రియుడు తుపాకీతో వీరంగం చేశాడు. ప్రియురాలు సహా ఆరుగురిని కాల్చి చంపాడు. ఈ కేసులో ఇప్పుడో షాకింగ్ నిజం వెలుగు చూసింది. పూర్తి వివరాల్లోకి వెళ్తే.. టియోడోరో మాకియాస్ అనే యువకుడు సాండ్రా ఇబార్రా అనే యువతితో డేటింగ్ చేస్తున్నారు. వీరిద్దరూ దాదాపు ఏడాదిగా ప్రేమలో ఉన్నారు. ఈ క్రమంలో బర్త్డే పార్టీ పెట్టుకున్న సాండ్రా కుటుంబం.. వీకెండ్లో పార్టీని నిర్వహించింది. దీనికి తమ బంధువులను, స్నేహితులను ఆహ్వానించిన ఈ కుటుంబం.. మాకియాస్ను పిలవలేదట. దీంతో ఆగ్రహించిన అతను పార్టీకి వెళ్లి మరీ ప్రియురాలు సాండ్రా సహా ఆ పార్టీకి వచ్చిన ఆరుగురిని హతమార్చాడు. ఈ విషయాన్ని పోలీసుల దర్యాప్తులో మాకియాస్ వెల్లడించాడు.