ఆసియా-పసిఫిక్‌ను ప్రభావితం చేసే దేశాల జాబితాలో అగ్రస్థానంలో అమెరికా

సిడ్నీ: ఆసియా-పసిఫిక్‌ను ప్రభావితం చేసే అత్యంత శక్తి వంతమైన దేశాల జాబితాలో అమెరికా మొదటి స్థానంలో నిలిచింది. సిడ్నీకి చెందిన లోవీ ఇన్‌స్టిట్యూట్.. ఆసియా పవర్ ఇండెక్స్ 2020 ప్రకారం ఈ జాబితాలో చైనా రెండో స్థానంలో ఉంది. ఇందులో జపాన్ మూడో స్థానంలో ఉండగా.. ఇండియా మాత్రం నాలుగో స్థానానికి పరిమితమైంది. మొత్తం 100 పాయింట్లకుగాను అమెరికా 82 పాయింట్లను పొందింది. చైనా, జపాన్ దేశాలు వరుసగా 76, 41 పాయింట్లను సొంతం చేసుకున్నాయి. ఇండియా 39.7 పాయింట్లను పొందింది. గతేడాదితో పోల్చితే ఇండియా 1.3 పాయింట్లను నష్టపోయింది. ఇండియా తర్వాత స్థానాల్లో రష్యా, ఆస్ట్రేలియాలు ఉన్నాయి. ఈ జాబితాలో అమెరికా అగ్రస్థానంలో ఉన్నప్పటికీ.. చైనా బలపడుతోందని లోవీ ఇన్‌స్టిట్యూట్ జరిపిన అధ్యయనంలో వెల్లడైంది.