వంగపండూ...!
ABN , First Publish Date - 2021-08-04T06:04:10+05:30 IST
సిక్కోలు సమరాన ధిక్కార స్వరమొకటి విశాఖ ఉక్కయిన ఆంధ్రుల హక్కొకటి ఎడతెగని సంద్రాన...
సిక్కోలు సమరాన
ధిక్కార స్వరమొకటి
విశాఖ ఉక్కయిన
ఆంధ్రుల హక్కొకటి
ఎడతెగని సంద్రాన
ఎదురెల్లె నావొకటి
అడిగాయిలే నిన్ను
వంగపండూ–నీ
కలము నుండి జారిపడుకుంటూ
IIఅడిగాయిలేII
జానెడు కడుపుకై
ధారబోసిన చెమట
దేహమే కంజరయి
ధనధన సప్పుడట
కాల్లగజ్జెలు ఘల్లు
నెమలితో పోటీపడి
చేతి అందెల మోగె
వంగపండు–నీ
గుండె చప్పుడును వినుకుంటూ
IIచేతిII
ఏం పిల్లడోయని
ఎలుగెత్తి పాడినా
ఎల్దమస్తవంటు
రమ్మని అడిగినా
యంత్రాల పాటతో
మంత్రముగ్ధుల జేసె
కథ జెప్తవా వింటాను
వంగపండు–నా
రెండు కండ్లు జూస్తె
చాలకుండూ
ఎవరు దోసుకుపోని
ఆటపాటల మూట
ఆస్తులుగ పిల్లలకు
పంచిపోయావంట
సీమలదండులో
సిలుకలా గుంపులో
సాగిపోతివ నీవు
వంగపండు–వంగె
పొద్దులో వర్ణాలు జూసుకుంటూ
కాలమే కడుపుతో
కన్న కవులెందరో
మేరిమి కొండల్లో
మెరుపులింకెందరో
జముకు జనరాగంగా
అందియలు మోగంగ
ఉర్రూతలూగెనట ఉత్తరాంధ్ర–నీ
చరితనే దేశము
చదువుతుండా
సలాములే నీకు
వంగపండు–పాట
సలాములె నీకు వంగపండు
లాల్సలాములే నీకు
వంగపండు–ఆట
సలాములే నీకు వంగపండు
(వంగపండు ప్రథమ వర్ధంతి నేడు విశాఖలో జరుగుతున్న సందర్భంగా)
మిత్ర