వింటర్లో వెరైటీగా...
ABN , First Publish Date - 2020-12-18T05:30:00+05:30 IST
పాలు - 150 ఎంఎల్, చిలగడదుంప - ఒకటి, పంచదార - అర టీస్పూన్, గోరువెచ్చని నీళ్లు - అరకప్పు, యాలకుల పొడి - అర టీస్పూన్, కుంకుమపువ్వు - కొద్దిగా, మిక్స్డ్ నట్స్ - కొన్ని.
స్వీట్ పొటాటో రబ్డీ
కావలసినవి
పాలు - 150 ఎంఎల్, చిలగడదుంప - ఒకటి, పంచదార - అర టీస్పూన్, గోరువెచ్చని నీళ్లు - అరకప్పు, యాలకుల పొడి - అర టీస్పూన్, కుంకుమపువ్వు - కొద్దిగా, మిక్స్డ్ నట్స్ - కొన్ని.
తయారీ విధానం
ముందుగా చిలగడదుంపను ఉడికించాలి. తరువాత పొట్టు తీసి గుజ్జుగా చేసుకోవాలి.
ఒక పాత్రలో పాలు పోసి వేడి చేయాలి. పాలు మరుగుతున్న సమయంలో చిలగడదుంప వేయాలి.
మిశ్రమం చిక్కగా అయ్యే వరకు ఉడికించాలి.
ఒక కప్పులో గోరు వెచ్చని నీళ్లు తీసుకుని అందులో కుంకుమ పువ్వు వేసి కరిగిన తరువాత పాల మిశ్రమంలో పోయాలి.
యాలకుల పొడి వేసి మరో ఐదు నిమిషాలు ఉడికించాలి.
చివరగా నట్స్తో గార్నిష్ చేసుకుని దింపాలి.
ఫ్రిజ్లో పెట్టి, చల్లగా సర్వ్ చేసుకోవాలి.