వార్షికోత్సవ సంచిక ఆవిష్కరణ

నంద్యాల(కల్చరల్‌), ఏప్రిల్‌ 13: సూరన సారస్వత సంఘం నంద్యాలలో 4 దశాబ్దాలుగా సాహిత్యసేవ పూర్తి చేసుకున్న సందర్భంగా ప్రత్యేక సంచికను ఆవిష్కరించారు. మంగళవారం సాయంత్రం గీతాభవన్‌లో సంస్థ అధ్యక్షుడు డాక్టర్‌ గెలివి సహదేవుడు ఆధ్వర్యంలో ప్రముఖ రచయిత సంస్థ కార్యదర్శి సుబ్రహ్మణ్య శాస్ర్తి రచించిన ఈ ప్రత్యేక సంచికను ఆవిష్కరించారు. ఈ సంచికలో సంస్ధ 40 సంవత్సరాలుగా నిర్వహించిన పలు సాహితీ కార్యక్రమాల వివరాలను పొందుపరిచారు. ఈ సంస్థ ద్వారా ఇప్పటికి 250కి పైగా సాహిత్య ఉపన్యాసాలు, అవధానాలు, గ్రంఽథావిష్కరణలు, కవి సమ్మేళనాలు నిర్వహించారన్నారు. సంచికను ప్రముఖ స్వర్ణ వర్తకులు భవనాశి శ్రీనివాసులు, భవనాశి నాగమహేశ్‌లు ఆవిష్కరించారు. కవులు అన్నెం శ్రీనివాసరెడ్డి, డాక్టర్‌ కిషోర్‌కుమార్‌, సాహిత్య ప్రియులు పాల్గొన్నారు.