ఐటి బాంబేలో వర్చ్యువల్ కాన్వకేషన్
ABN , First Publish Date - 2020-08-29T05:30:00+05:30 IST
కొవిడ్ నేపథ్యంలో ఈ రోజుల్లో అన్నీ ఇంటర్నెట్ సహాయంతోనే కానిస్తున్నారు.
కొవిడ్ నేపథ్యంలో ఈ రోజుల్లో అన్నీ ఇంటర్నెట్ సహాయంతోనే కానిస్తున్నారు. జూమ్ వంటి సాధనాలతో సమావేశాలు, సెమినార్లు, క్లాస్రూమ్లు నిర్వహిస్తున్నారు. ఈ విషయంలో బాంబే ఐఐటి మరో అడుగు ముందుకు వేసింది. టెర్మినేటర్ సీన్ను సృష్టించింది. తమ 58వ కాన్వకేషన్ సెరిమనీ(పట్టాల స్వీకరణ ఉత్సవం)ని వర్చ్యువల్ మోడ్లో నిర్వహించింది.
నిజానికి కోర్సు పూర్తి చేసుకుని బైటకు వెళుతున్న విద్యార్థికి పట్టాను ఐఐటి డైరెక్టర్ అందిస్తారు. సరిగ్గా ఆ అనుభవాన్ని వర్చ్యువల్ అవతార్ రూపంలో చూపింది. అంటే విద్యార్థి వేదికపైకి రావడం నుంచి పట్టా తీసుకోవడం వరకు అంతా విజువలైజ్ చేసింది. అలాగే దీనికి ముందు రోజు హాస్టల్ వాతావరణాన్ని, ఈ కార్యక్రమంతో క్యాంపస్ పరేడ్ సీన్ను కూడా కలిపింది. సుమారు ఇరవై మంది బృందంగా రెండు నెలల ముందు నుంచి ఈ పనిలో నిమగ్నమయ్యారు. ఇప్పటికే లక్ష డెబ్బయ్ వేలకు మించి దీన్ని వీక్షించారు. ఏమైతేనేం, తమ సీనియర్లు మాదిరిగానే ఈ ఏడాది విద్యార్థులకూ క్యాంపస్లో పెరేడ్ సహా యావత్తు అనుభవాన్ని ఈ రూపంలో మిగిల్చారు.