పిల్లల ఎదుగుదలకు సి-విటమిన్
ABN , First Publish Date - 2021-06-17T08:13:48+05:30 IST
పిల్లల ఎదుగుదల బాగుండాలంటే తగినంత విటమిన్-సి అందేలా చూడాలి. సి - విటమిన్ శరీరంలో ఉత్పత్తి కాదు అలాగే శరీరంలో నిలువ ఉండదు.
పిల్లల ఎదుగుదల బాగుండాలంటే తగినంత విటమిన్-సి అందేలా చూడాలి. సి - విటమిన్ శరీరంలో ఉత్పత్తి కాదు అలాగే శరీరంలో నిలువ ఉండదు. అందుకే రోజూ తగినంత సి-విటమిన్ లభించేలా మెనూ ప్లాన్ చేయాలి. పిల్లల్లో ఇమ్యూనిటీ బాగుండటానికి కూడా ఇది అవసరం.
- చర్మం, కండరాలు, ఎముకల ఎదుగుదలకు అవసరమైన కొల్లాజెన్ ఉత్పత్తికి సి- విటమిన్ సహాయపడుతుంది.
- పిల్లలు తీసుకున్న ఆహారంలోని ఐరన్ను ఽశరీరం గ్రహించడానికి సి-విటమిన్ ఉపయోగపడుతుంది.
- ఆరెంజ్, గ్రేప్ఫ్రూట్, టొమాటో, బ్రొక్కోలి, కివి వంటి వాటిలో సి- విటమిన్ పుష్కలంగా లభిస్తుంది. ఒక ఆరెంజ్లో 70 మి.గ్రా లభిస్తుంది. అందుకే పిల్లలకు పండ్లు, కూరగాయలు ఎక్కువగా పెట్టాలి.
- వేగించడం ద్వారా సి- విటమిన్ నశిస్తుంది. కాబట్టి కొద్దిగా ఉడికించిన కూరగాయలను తినిపించడం అలవాటు చేయాలి.
- ఒకవేళ పిల్లలకు సరిపడా విటమిన్లు ఆహారం ద్వారా అందడం లేదు అనుకుంటే మాత్రల రూపంలో అందివ్వాలి.
- పిల్లల్లో ఇమ్యూనిటీ పెరగడంతో పాటు సంపూర్ణ ఎదుగుదలకి సి-విటమిన్ అవసరమవుతుంది.