Abn logo
Jun 2 2020 @ 18:21PM

యూజర్ల ఖాతా నుంచి అకారణంగా రూ. 99 కట్ చేసిన వొడాఫోన్

న్యూఢిల్లీ: దేశంలోని ప్రముఖ టెలికం కంపెనీ వొడాఫోన్ తన వినియోగదారుల ఖాతాల నుంచి ఇంటర్నేషనల్ రోమింగ్ చార్జీల పేరుతో రూ.99 కట్ చేసింది. తమ ఖాతాల నుంచి ఒక్కసారిగా రూ. 99 కట్ కావడంతో షాకైన యూజర్లు వెంటనే ట్విట్టర్ ద్వారా తమ గోడు వెళ్లబోసుకున్నారు. లాక్‌డౌన్ సమయంలో విదేశీ ప్రయాణాలు కూడానా అంటూ ఆవేదన వ్యక్తం చేశారు. అంతర్జాతీయ ప్రయాణాలపై నిషేధం ఉన్నా, తాను ఎటువంటి అంతర్జాతీయ రోమింగ్ ఎంచుకోకపోయినా రూ. 99 ఎందుకు కట్ చేశారంటూ ఓ ఖాతాదారుడు ప్రశ్నించాడు. ఒకరి తర్వాత ఒకరిగా బాధితులు ట్విట్టర్‌లో స్క్రీన్ షాట్లు తీసి షేర్ చేశారు. 


‘‘ప్రియమైన ఖాతాదారులారా 30 రోజుల ఇంటర్నేషనల్ రోమింగ్‌కు గాను రూ. 99 రెంటల్‌ను చార్జ్ చేస్తున్నాం’’ అంటూ తమకు వచ్చిన మెసేజ్‌ల స్క్రీన్‌షాట్లను పెద్ద ఎత్తున షేర్ చేయడంతో వొడాఫోన్ స్పందించింది. సాంకేతిక పరమైన పొరపాటు వల్ల అలా జరిగిందని వివరణ ఇచ్చింది. కట్ చేసిన మొత్తాన్ని తిరిగి జమ చేయనున్నట్టు పేర్కొంటూ క్షమాపణలు తెలిపింది. 

Advertisement
Advertisement
Advertisement